خبز سمون قسمتو و استخرجت القلب و صفيت الجزء التحتاني منو بجاط البابركس بعد ما دهنتو بالزبده كيلو دجاج صدور مقطع ناعم مع بصله و سنين توم مهروس و جزر مكعبات و فطر مقطع ع النار تبلتن ملح و فلفل و بودره ماجي و بهار الكا ري انا بفضلو و بحبو كتير و الك الحريه بالتتبيله و اخر شي شويه زعتر ناشف دهنت كل سندويشه من جوا بخليط من جبنه الكاسات و مايونيز شوي و حطيت خلطه الدجاج و شريحه الجبن المربعات و حطيت الطبقه التانيه من الخبز بعدين زبده ع النار سيحتها وضغت عليها بهار احمر و زعتر ناشف و دهنت الوش فيها و نص كُوي حليب او كريمه لك الحريه و ع الوش جبنه موزوريلا و ع الفرن بتاخد شي ربع ساعه بالفرن بتطلع مو ناشفه مقرمشه من الوش و فيها طراوه وخفه من تحت قدامها سلطه
و صحه وهنا
ليست هناك تعليقات:
إرسال تعليق