٣بندورات وبصلتين ونص راس توم عالمفرمة الناعمة مفرمة اللحمة
ومعهن بنزل الملوخية
بكون سالقة الجاج وبحطله فلفل وهيل وزنجبيل وكزبرة يابسة
بتغلي الملوخيات يلي نزلتيهن عالماكينة وبتزويديهن مرقة الجاج يلي سلقتيه ولما تغلي منيح بتقلي كم سن توم مهروس مع زيت زيتون وبتطشيهن عالملوخية
وبشوي وش الجاج المسلوق وجمبهن رز ابيض مع شعيرية
طريقة أخرى
بفرم الملوخية بمفرمة الملوخية وبسلق الجاج او اللحمة وبحط الملوخية على مرئة اللحمة او الجاي وبقدح ثومة حسب الي بحبو وبس
طريقة أخرى
ملوخية ورق بقطفها وبفرمها بفرامة البصل اذا ما توفر عندي وقت لافرمها بالفرامة اليدوية
بعدين بحطها بطنجرة ومعها ماء مو كتير ولا قليل بخليها تغلي غلوة
بعدين بقلي ثوم بشوية زيت وبضيفه على الملوخية
وبضيف الملح وبتركها تغلي شوي
وبعمل دجاج مشوي بالفرن بالتتبيلة التالية:
ملح، فلفل، كاري، هيل، قرفة، زيت زيتون، صلصة، لبن، شوية حمض
وبعمل رز أبيض بالشعيرية
وسر الطعمة بعمل سلطة ( المصحان) وهي عبارة عن طماطم مفرومة ناعم وبذور صغيرة ( عين جرادة) وخيار مقطع صغير وفلفل حار كلهم جميعا بدقهم بمدقة فخار متل مدقة الثوم لكنها اكبر ، بعدين بضيف ملح وليمون وزيت زيتون
بالنسبة الي الملوخية الناعمة اذا ما كان معها مكملاتها انا ما بستمتع فيها🙂
طريقة أخرى
قلي توم ناعم... وحطيها وهي متلجة فوق التوم. وقليها حتى تتسبك.. وبعد ما تسلق الدجاج خدي من مرقة الدجاج. وضيفي عليها وخليها تغلي دقيقتين..طبعا ضيفي الملح وشوبة فلفل اسود وقلي توم وكزبرة وحطيها على وجهها بعد السكب. والدجاج حمريه بالفرن واعملي جنبها رز بالشعيرية..او رز ابيض وحطي عليه الدجاج المحمر..
طريقة أخرى
انا بجيب اليابسة وبفركا بمصفيه بلاستيك فتحاتو خشنة شوي وبتنزل الورق كلو وبيبقى العواد القاسية بكبا وبعدا بحمصا بسمنة وتوم وكزبرة وبطبخا متل الملوخية العادية مع فروج وبقليا ع الوجه بتوم وكزبرة ومابتكون كتير فيها مي ولا قليلة يعني مو متل الورق ناشفة
ملاحظات
في نقطة جدا جدا مهمة انه الملوخية اول ما تغلي بطلع رغوة بيضا لازم تنشال هاي الرغوة لانه غير مستحبة
إذا كانت مجمدة أن تقلى مباشرة بعد خروجها من الفريزر حتى لا تمط
