شوربة الفيروز ( هبة )

 في شوربة خضار ( الفيروز ) 

انا بحب استخدم طنجرة الضغط بحط فيها دجاج مقطع مكعبات صغير مع مكعبين ماجي ولترين مي ومنبشر جزرة و منحطها وبخلاط منحط بندورة وفليفلة وبصلة ومنحط الخليط بالطنجرة مع نص كاسة شوفان  ( منقدر نستبدل الشوفان بالطحين ) ومنضغطهم ١٥د ومنفتح الطنجرة منحط شعيرية منستناها لتستوي وبالعافية من اطيب الشوربات بالنسبة الي 🌚🌸

غراتان البطاطا (أمان )

غراتان 🥔 البطاطا:

*بتسلقي بطاطا الكمية اللي بتحبي نصف سلقة وبتقطعيهم دوائر وبتوزعيهم بأسفل الصينية (في ناس بتقلي البطاطا بس أنا سلقتها لتخفيف الدسم)

*على النار بصلة مقطعة مكعبات بتشوحيها بالزبدة لحتى يتغير لونها بتضيفي عليها ذرة وفطر 

وعليهم علبة كريمة طبخ 

بهارات مشكلة وملح وبودرة بصل وبودرة ثوم وبهارات دجاج ليتسبكو تمام

*بتحطي جبنة شيدر على البطاطا وبعدين بتضيفي فوقها المكونات اللي طبختيها

*بتحطي عالوجه جبنة موزاريلا وشيد مخلوطين سوا وعالفرن من فوق تحت ١٨٠ درجة لتلاقيها احمر الوجه

مليون صحة😉

 

سلطة البطاطا المشوية ( علياء)

 

سلطة البطاطا المشوية

خس خيار ذرة و صلصة السلطة اللي بتحبيها ممكن رانش او سيزر

الفكرة بالبطاطا منقطعها و نسلقها بعدين نصفيها من ماء السلق و ندهنها بخلطة زيت وبابريكا و بهارات إيطالية و بودرة الثوم وعلى الفرن او بالقلاية الهوائية 

وصحة وهنا

فتة شاورما ( أمل )

 

فتة الشاورما:

صحن صدور دجاج بتقطعيهم شرائح صغيرة وبتقلبيهم عالنار مع ملح وبهارات شاورما(اذا ما عندك بهارات شاورما بيمشي الحال بهارات مشكلة) وشوية هيل وشوية كزبرة ناشفة

لما يقربو من الاستواء ضيفي بصلة مقطعة شوارب، وحبة بندورة مقطعة مكعبات صغيرة

وقلبيهم واتركيهم شوي على نار نايصة بعدين اطفي (البصل والبندورة لازم يكونو نص استواء)

 اذا لقيتيها ناشفة ضيفي شوية مي..ما بدنا ياها فيها مرقة،بس تكون رطبة ومنغنغة

بجاط التقديم:

طبقة خبز مقلي

بعدين خليط الدجاج

بعده خليط اللبن (لبن ومايونيز وطحينة وملح وسن ثوم)

وألف صحة💕

شوربة الفطر( دانية )

 شوربة الفطر

المقدار

٤ كاسات ماء

٣ ملاعق طحين

٣ مكعبات ماجي....(علبة ونصف)

فطر...أنا بستعمل الطازج مو المعلب بس ممكن تستخدمي الموجود

بتحطيهم على البارد وبتذوبي الطحين بعدين بتحطيهم على النار حتى يغلو بعدين بتضيفي كاسة كريمة طبخ

*ملاحظة*

اذا بدك تستخدمي فطر طازج قطعيه وحطي بالطنجرة من غير زيت وازبدة لتطلع منه الخواص تبعه

هي الطريقة بتعطي فرق كثير كبير بالطعمة

والفين صحتين

فاهيتا الدجاج (فجر )

 وصفة فاهيتا الدجاج  

المقادير: 

للفاهيتا: 

١ كيلو صدور دجاج 

للتبيلة( ١ كوب زبادي، ملعقة صغيرة لكل من: بابريكا، فلفل اسود، كاري، ثوم بودرة، بهار دجاج مشكل ) 

حبة فلفل ملونة ( اخضر واصفر واحمر) 

٤٠٠ غرام فطر 

علبة ذرة 

زيت نباتي 

زبدة 

٢ ملعقة كبيرة صويا صوص 

٢ ملعقة كبيرة ترياكي صوص 

ملعقة كبيرة اوريغانو / ملح 

للعجينة: 

١ كوب حليب دافئ 

١ كوب ماء دافئ

١ ملعقة كبيرة سكر 

٢ بيض 

١ ملعقة كبيرة وربع خميرة 

١/٢ كوب زيت نباتي 

٤ ونصف كوب دقيق 

ملعقة كبيرة بيكنغ بودر 

ملعقة صغيرة ملح 

لدهن العجين: 

٢ صفار بيض 

ربع كوب حليب 

سمسم للتزيين

البرياني ( دانية )

 *البرياني*

بطنجرة الضغط

بقلي بصلة مقطعة ناعم حتى تذبل وبضيف ٣ أسنان ثوم مهروسين

بعدين منضيف قطع الدجاج ومنقليهم على الوجهين

بكون حضرت على جنب لبن نصف كيلو بضيف عليه ملعقة طعام صلصة طماطم 

وملح وفلفل بهارات البرياني بخلطهم منيح 

وبعدين بضيفهم على الدجاج

بضغطهم حتى يستوي الدجاج.....

ممكن بس يخلص تحمريهم شوي بالف ن بس أنا مابعمل هيك

*الأرز*

بطبخ أرز ابيض سادة  وبس تنشف المي عنه قبل مايستوي بضيف بمكان واحد ٤ ملاعق ماء من منقوع الزعفران وصبغة الزعفران وبغطي عليهم وقت بدك تسكبي بتحركي شو وبيتخلطو بصير الارز ملون

الرقاقة الدرعاوية بالصور ( جمانة )

 

استخدمت نص كيلو طحين لشخصين

العجين  مثل الخبز العادي او اطرى شوي

الكرات أكبر وحدة لأرض الصينية والباقي للطبقات. ما لازم تكون كثير سميكة كي تستوي .

   

زيت الزيت كمية وفيرة بالإضافة إلى البهارات ملح فلفل كركم بابريكا وذرة بهارات مشكلة

انا بهتم كثير احط إكليل الجبل مع سلق الدجاج .مافي اي بديل يعطيكم نفس النكهة

يضاف الدجاج إلى البصل مع التحريك

الطبقة الأولى من العجين ثم فوقها الدجاج مع البصل 

الطبقة الثانية من العجين فوق الحشوة

الطبقة الثانية نستخدم زيت الحشو لمد العجين بيعطي طعمة لذيذة 

الزيت لازم يكون غزير

النتيجة بعد ساعة الا ربع بالفرن على  حرارة ٢٠٠ . .اذا كانت الصينية أكبر وطبقات اكثر طبعا ستحتاج وقت أطول ليستوي العجين من الداخل . 

 امهاتنا كانوا يعملوها بالطنجرة ويكثروا طبقات ويتركوها عدة ساعات بالافران القديمة وتسبح بزيت الزيتون . والأصول أكلها بالأيدي لتغوص بالبصل والعجين كما يجب 😄😋😋😋

اذا عملتوا طبقات اكثر طبعا سيأخذ وقت أكبر بالفرن مع تغليف الصينية حتى ما تطلع ناشفة وكشفها بالاخير لتحمير الوجه . . وصحتين

عش البلبل باللحم ( نور )

 لحمة مفرومة

بصلة صغيرة

لبن و ليمون و دبس رمان

ملح وفلفل وطحينة

بهار حلو و ليمون

كزبرة يابسة ناعمة

تفرد على عجينة البف باتسري و تشوى بالفرن

فطائر البف باتيسري

 

فطور العيد ( غنى )

 

سلطة البوملي( سندس )

 

ملفوف ( عليا)

 

 يخنة او ملفوف 

منسلق اليخنة ومنقطعها وع جنب منجهز  الحشوة ( رز منقوع ومغسول ولحمة وملح وفلفل وشوية عصفر ) ومنلف اليخنة ومنصفهم بالطنجرة مع لحمة بسفل الطنجرة 

ومنحط للمرقة توم وليمون وملح ( دبس رمان حسب الرغبة ) ومنطبخها وبس تستوي منحط رشة نعناع يابس

صحتين وهنا 🌷

صيني (علياء)

 صيني 

صدورة جاج مقطعين بالطول منقليهم بزيت مازولا وبس يستوي منزل بصلة وفليفلة ملونة وفطر معلب او فريش وجزر ودرة وكاجو حسب الرغبة وبس يستووا منحط البهارات نص معلقة صغيرة زنجبيل بودرة ومتلها فلفل ابيض ومعلقة صغيرة كاري وكركم وكاسة صغيرة صويا صوص واخر شي معلقة كبيرة عسل وبتنطبخ شوية وبتكون جاهزة

 صحتين وهنا 🌷

برغل مع الفليفلة ( علياء )

 منقلي بصلة بزيت زيتون وبعدين منحط فليفلة  فريش حدة او حلوة حسب الرغبة وبندورتين مقشرين ومقطعين ومنقليهم  شوية وبعدين مننزل بكاسة برغل خشن مغسول  ومنقلبهم شوية واخر شي منظبط الملح ومنحط كاسة ونص مي وبس تنشف ميتها منهدي عليها وعشر دقايق بتكون جاهزة وجنبها سلطة ومخلل وصحتين وهنا ✌🏻

خضار بالفرن ( علياء)

 

سلقت لحمة وقطعت الخضرة ( فليفلة ملونة وبندورة وبصل وباذنجان )وحضرت الصوص يلي هو دبس بندورة ودبس فليفلة والبهارات  (بهار حلو ،ملح، فلفل) وخلطتهم مع شوية مرقة من اللحمة وتبلت اللحمة والخضرة وحطيت ع وشها معلقة سمنة وغطيتها بورقة زبدة وع الفرن ل تغلي وتتعقد شي ساعة "حسب الفرن "

جهزت العجينة ( كاسة طحين ورشة ملح وضيفي المي الفاترة شوية شوية لتلم العجينة) مديها وحطيها ع وش الصنية ما بتاخود عشر دقايق او ربع ساعة 

وصحتين وهنا

فطاير بعجينة سولو ( نوف )

 فطاير بعجينة سولو الجاهزه (فرن) حشوات مختلفه 

اجبان/ دجاج لذيذة وسريعة بالشتويه وللدفا

أكلات بحرية محار ( نوف )

 

التتبيلة كانت جداً لذيذه وعطتو نكهه طيبه😋( بصل ، ثوم، فلفل اخضر ،دبس فليفله شوي ،دبس بندورة) بالآخر ليمون ،ورشة بقدونس او كزبرة حسب الرغبه

شوربة الثوم ( رغد )

 

شوربة الثوم المشوي مع البصل الأخضر:

المكونات:

• 3 رأس ثوم كامل، مقطّع من الأعلى لتظهر الأسنان

• 2 ملعقة كبيرة زيت زيتون

• 3-4 أعواد بصل أخضر مفرومة ناعماً

• 4 أكواب مرق دجاج أو خضار

• 1 كوب كريمة طبخ 

• ملح وفلفل أسود حسب الرغبة

• أعشاب طازجة للتزيين (مثل الزعتر أو البقدونس)

• 1/3 كوب معكرونة لسان الصفور المسلوقة

طريقة التحضير:

1. تحميص الثوم:

• سخن الفرن على 200°م.

• ضع رؤوس الثوم على ورقة خبز، رُش عليها زيت الزيتون، وغطّها بورق الألمنيوم.

• اخبزها لمدة 30-35 دقيقة حتى يصبح الثوم طرياً وذهبي اللون.

2. تحضير القاعدة بالبصل الأخضر:

• سخن قليل من الزيت في قدر على نار متوسطة.

• أضف البصل الأخضر المفروم وقلبه 1-2 دقيقة فقط حتى يذبل قليلاً، دون أن يحترق.

3. إضافة الثوم المشوي:

• اعصر أسنان الثوم المحمصة وأضفها إلى البصل الأخضر في القدر.

• قلب المزيج لدقيقة واحدة.

4. إضافة المرق والتوابل:

• صب المرق فوق الثوم والبصل الأخضر، واتركه يغلي لمدة 10 دقائق تقريباً.

• أضف الملح والفلفل حسب الرغبة.

5. تحويل الشوربة للقوام الكريمي:

• استخدم الخلاط اليدوي أو العادي لهرس الشوربة حتى تصبح ناعمة.

• أضف الكريمة، وسخن لدقيقة أو اثنتين.

• اضف معكرونة لسان العصفور المسلوقة

6. التقديم:

• صب الشوربة في أطباق، وزين بالأعشاب الطازجة.

شاورما المستعجلين ( مقتبس )

 

سلطة الفراولة ( فجر) وأنواع أخرى من السلطات

الصوص للسلطة 

ليمون 

زيت زيتون 

شوي عسل 

دبس رمان 

خل بلسمك

وردات البف باتيسري ( فجر )

الحشوة 

دجاج مقطع مكعبات صغيرة متبل ب شوي خل و ملح و فلفل اسود و رشة زنجبيل و رشة هيل منقلي بشوي زيت حتى يبدا يستوي 

و بعدها منضيف مكعبات صغيرة فليفلة ملونة منقلبهم مع بعض شوي شي ٧-١٠ دقايق 

و بالاخير منضيف كمية متوسطة من كريمة الطبخ و عالنار ليغلو سوا و نطفي تحتها و نتركها تبرد على جنب . 

بتجهزي البف باستري بالطريقة الي بتحبي تقدميها و بتحطي الحشوة و عالوجه جبنة موزوريلا . 

خبز sourdough فطور

 ٣ حشوات مع خبز sourdough 

افوكادو مع بيض وسالمون مشوي /

افوكادو مع حلوم مقلي بزيت الزيتون وبندورة مشوية وصوص البيستو /

لبنة وزعتر وعلى وجهن حلوم وبندورة مشوية

دجاج وصوص ( أمل )

 نص كيلو صدور، قطعيه مكعبات او شرائح و اخلطيه مع بصلة صغيرة مفرومة ناعم، نص م.ص ملح، نص م.ص بهارات مشكلة، نص م.ص بودرة ثوم، ٣م.ك خل، ٣م.ك زيت نباتي، ٢م.ك لبن 

خربطيهم و اتركيهم على جنب شي نص ساعة لبين ما نحضر البطاطا

قطعي بطاطا مكعبات وسط.. اكبر من تبع المفركة بشوي و اقليهم

بجاط البيركس:

طبقة بطاطا مقلية

طبقة مخلل مقطع مكعبات صغيرة

الدجاج منقلبه على نار حامية حتى يزهر و يستوي و نضيفه فوقهم

بزبدية اخلطي علبة قشطة، ٢م.ك مليانة جبنة كاسات، نص م.ص ملح، نص م.ص بودرة ثوم، و شوية حليب لحتى يصير قوامها صلصة

اذا بتحبو الحد ممكن تضيفي شوي

اخلطيهم ليتجانسو و صبيهم على الدجاج

بعدين جبنة مبشورة

و عالفرن شي ربع ساعة ليتسبكو و تذوب الجبنة

يخنة الخضار مع الدجاج ( طوبى )

 يخنة الدجاج بالخضار على الطريقة السهلة، أو حتى صينية دجاج وخضار بالفرن. إليك وصفة سريعة وشهية:

⸻

🍲 يخنة دجاج بالخضار (سريعة على الطنجرة)

✅ المكونات:

• صدور دجاج فيليه (مقطعة مكعبات)

• بطاطا (مقطعة مكعبات)

• بصلة (مفرومة)

• ثوم (مفروم)

• بزاليا (مجمّدة أو طازجة)

• بندورة (مفرومة أو مبشورة)

• ملح، فلفل أسود، بهارات مشكلة، رشة قرفة أو كمون (اختياري)

• زيت زيتون أو زيت نباتي

🔪 الطريقة:

1. في طنجرة، حمّي شوية زيت، وقلّي البصل حتى يذبل.

2. أضيفي الثوم وقلّبي شوي.

3. ضيفي قطع الدجاج، وقلّبيها حتى يتغيّر لونها وتتحمّر شوي.

4. حطّي البهارات، قلّبي منيح.

5. أضيفي البطاطا، البازيلا، والبندورة.

6. صبّي شوية مي تغطّي المكونات، غطّي الطنجرة وخفّفي النار.

7. خليه يطبخ حوالي 20–25 دقيقة، أو حتى تستوي الخضار والدجاج.

8. تذوقي وعدّلي الملح حسب الرغبة.

🍽️ التقديم:

قدّميها مع رز أبيض، أو حتى مع خبز

شيش طاووق بالفرن ( علياء )

 شيش طاووق

قطعي الدجاج إلى مكعبات 

ضيفي عليها 

في إبريق خلاط 

لبن بصله صغيرة ٤ـ٥ فصوص ثوم 

ملح فلفل كزبرة يابسه بهار حلو 

هيل ملعقة خل ثوم بودرة

ملعقة مايونيز 

٢ ملعقة صلصة  طماطم قليل من زيت الذرة 

تنقع ليلة كاملة 

تقطع البطاطا إلى شرائح 

ترص أسياخ الشيش علي سطح البطاطا 

يدخل إلى فرن محمى مسبقا 

إلى أن ينضج 

يقدم مع طبق من السلطة 

بالهناء والعافية 

دجاج بالفول السوداني (رغد )

 دجاج بتتبيلة زبدة الفول السوداني بساندويش التورتيلا

المكونات

للتتبيلة:

• 3 ملاعق كبيرة زبدة فول سوداني ناعمة

• 2 ملعقة كبيرة صويا صوص

• 1 ملعقة كبيرة عسل أو سكر بني

• 1 ملعقة كبيرة عصير ليمون أو خل أرز

• 1 ملعقة صغيرة زنجبيل طازج مبشور

• 1 فص ثوم مهروس

• 1 ملعقة صغيرة زيت سمسم (اختياري لكنه يعطي نكهة مميزة)

• 2-3 ملاعق كبيرة ماء (لتخفيف القوام)

للدجاج:

• 2 صدر دجاج مقطع شرائح أو مكعبات

• ملح وفلفل حسب الرغبة

• رشة بابريكا أو فلفل أحمر مدخن (اختياري)

للتقديم (اختياري لكن ينصح به):

• خبز تورتيلا (صغير أو كبير حسب الرغبة)

• خس مقطع

• شرائح جزر أو خيار

• بصل أخضر مقطع

• كزبرة أو بقدونس للتزيين

• رشة سمسم للتقديم (اختياري)

طريقة التحضير:

1. تحضير التتبيلة:

• في وعاء، اخلطي كل مكونات التتبيلة حتى تحصلي على صوص ناعم ومتماسك ولكن ليس سميك جداً. يمكن إضافة ماء حسب الحاجة لتعديل القوام.

2. تتبيل الدجاج:

• تبّلي الدجاج بالملح، الفلفل، والبابريكا، ثم أضيفي نصف كمية التتبيلة واخلطي جيداً. اتركيه يتبل 15–30 دقيقة إن أمكن.

3. الطهي:

• سخني مقلاة غير لاصقة مع قليل من الزيت، واطهي الدجاج حتى ينضج تمامًا ويتحمّر قليلاً من الأطراف.

• أضيفي باقي التتبيلة فوق الدجاج وقلّبي حتى تتغلف القطع جيدًا بالصوص.

4. التقديم:

افردي خبز التورتيلا على سطح مستوٍ.

ضعي الحشوة في المنتصف.

• طبقي الحشوة بهالترتيب:

1. شوية جبنة

2. دجاج بزبدة الفول السوداني

3. خضار مقطعة رفيع (جزر، بصل أخضر، خس)

اطوي الأطراف الجانبية للداخل، بعدها لفّي التورتيلا

حمّري كل جهة لمدة 1–2 دقيقة حتى تحصلي على لون ذهبي وقرمشة خفيفة، والجبنة تذوب

بصل محشي ( فجر )

 

بصل محشي 

الحشوة تتبيلة اليلنجي 

بنقع بالماء أرز قصير نصف ساعة 

نفرم بصلتين وبنقليهم عالغاز بزيت الزيتون وبس يزهرو بنضيف الارز المغسول والمصفى من الماء وبنقليهم مع بعض وبنضيف دبس فليفلة ونعنع أخضر يابس وملح وفلفل وشطة وبهارات مشكلة ودبس رمان وبنزبط حمضها بحمض الليمون مع ملعقة صغيرة بن  مع خمس حبات بندورة (طماطم )مقطعة وبنقليهم تقريباً  عشر دقائق عالغاز وبنحط بقدونس وبنحركهم وبنطفي تحتهم 

و المرقة : 

اخدت من المي تبع سلق البصل و معها ليمون و معلقة صلصة بندورة و دبس رمان وملح و زيت زيتون 

و رشة نعنع يابس

 و لفيتها بقصدير و بالفرن شي ساعتين على نار هادية

سلطة العنب ( رغد )

 

 سلطة العنب

🧺 المكونات:

• 1 كوب عنب مقطّع أنصاف

• 1 كوب خس مفروم خشن

• 1 كوب ملفوف مقطع شرائح رفيعة جدًا

• 1/2 كوب جبنة فيتا أو موزاريلا

• 1/2 كوب جوز مجروش خشن

• 1/4 كوب بصل أحمر شرائح 

🥣 التتبيلة:

• 2 ملعقة كبيرة زيت زيتون

• 1.5 ملعقة كبيرة خل بلسمي أو خل تفاح

• 1 ملعقة صغيرة عسل

• 1/2 ملعقة صغيرة خردل

• رشة ملح وفلفل أسود حسب الذوق

👩‍🍳 طريقة التحضير:

1. في وعاء كبير، ضعي الخس والملفوف

2. أضيفي العنب والجبنة والجوز والبصل

3. في وعاء صغير، امزجي جميع مكونات التتبيلة حتى تتجانس

4. اسكبي التتبيلة فوق السلطة وقلبيها، ثم قدّمي السلطة بعد 10 دقائق حتى تتشرب النكهات

شوربة الطماطم الكريمة مع التوست المحمص ( رغد )

 🍅 شوربة الطماطم الكريمية مع التوست المحمّص

🧾 المكونات:

• 5 حبات طماطم متوسطة (مقشرة ومفرومة أو مطهوة ومطحونة)

• 1 بصلة صغيرة مفرومة

• 2 فص ثوم مفروم

• 2 ملعقة كبيرة زيت زيتون

• 1 ملعقة كبيرة معجون طماطم

• 1 كوب مرق دجاج

• 1 كوب كريمة طبخ

• رشة سكر (لتحسين التوازن الحمضي)

• ملح + فلفل أسود حسب الرغبة

• رشة ريحان مجفف أو أوراق ريحان طازجة (اختياري) / انا استبدلتها بمعلقة صغيرة من صلصة البيستو

للتقديم:

• شرائح توست

• زيت زيتون + ثوم مهروس (لدهن التوست)

• جبنة موزاريلا مبشورة

🔪 الطريقة:

1. تحضير الشوربة:

• في قدر، سخّني زيت الزيتون.

• أضيفي البصل وقلّبيه حتى يذبل.

• أضيفي الثوم وقلّبيه قليلًا دون أن يحترق.

• أضيفي الطماطم المفرومة، ومعجون الطماطم، ورشة سكر.

• اتركي المزيج يغلي على نار متوسطة 10-15 دقيقة حتى تتكثف الطماطم.

• أضيفي المرق، واغلي الخليط مجددًا 5 دقائق.

• باستخدام الخلاط يدوي، اخلطي الشوربة حتى تصبح ناعمة.

• أعيدي الشوربة إلى القدر، أضيفي الكريمة، والملح والفلفل والريحان، ودعيها تغلي لدقيقتين إضافيتين.

2. تحضير التوست:

• ادهني شرائح التوست بزيت الزيتون أو الزبدة والثوم.

• اشويها في الفرن أو على مقلاة ساخنة حتى تتحمّص.

سلطة الفجل مع الشبت ( رغد )

 منعشة بنصحكن تجربوها

سلطة الفجل مع الشبت

🥗 المكونات:

• 1 كوب فجل أحمر مقطع شرائح رفيعة

• 2 ملعقة كبيرة شبت طازج مفروم ناعم

• 1 خيار صغير مقطع شرائح رفيعة 

• 1 ملعقة كبيرة عصير ليمون طازج

• 1 ملعقة كبيرة زيت زيتون

• رشة ملح

• رشة فلفل أسود

• 1 ملعقة صغيرة خل أبيض أو خل تفاح (حسب الرغبة)

🥣 طريقة التحضير:

1. في وعاء كبير، ضعي شرائح الفجل والخيار

2. أضيفي الشبت المفروم.

3. في وعاء صغير، امزجي عصير الليمون، زيت الزيتون، الخل، الملح، الفلفل.

4. اسكبي التتبيلة فوق المكونات وقلّبي بلطف حتى تتوزع النكهات.

5. اتركيها في الثلاجة لمدة 10-15 دقيقة لتتشرب النكهات.

مكعبات اللحم بالكمثرى والقهوة ( رغد )

 🍐 مكعبات اللحم بالكمثرى والقهوة

اللحم:

• 500 غرام لحم بقري (ريش مقطعة إلى مكعبات أو لحم فخذ مقطّع)

• 2 ملعقة كبيرة زيت زيتون

• ملح وفلفل أسود حسب الذوق

• نصف ملعقة صغيرة بابريكا مدخنة

• نصف ملعقة صغيرة روزماري مجفف أو طازج مفروم

صوص القهوة:

• 1/2 كوب مرق لحم أو ماء ساخن

• 1/3 كوب قهوة إسبريسو مركزة أو قهوة سادة مركزة

• 1 ملعقة كبيرة خل بلسمك

• 1 ملعقة صغيرة دبس تمر

      • 2 ملعقة كبيرة عسل

• 1 ملعقة صغيرة زبدة

الكمثرى:

• 2 حبة كمثرى متوسطة ناضجة ولكن متماسكة، مقشرة ومقطعة شرائح

• ملعقة صغيرة زبدة

• رشة قرفة خفيفة

🔪 الطريقة:

أولاً – تحمير اللحم:

1. في مقلاة ساخنة، سخّني زيت الزيتون.

2. تبّلي مكعبات اللحم بالملح، الفلفل، البابريكا، والروزماري.

3. حمّري المكعبات من جميع الجهات، ثم ارفعيها جانبًا دون أن تنضج تمامًا

ثانيًا – تحضير صوص القهوة:

4. في نفس المقلاة، أضيفي القهوة، مرق اللحم، خل البلسمك، دبس التمر، والعسل.

5. اتركي الصوص يغلي ويقلّ حجمه قليلًا لمدة 5 دقائق.

6. أعيدي مكعبات اللحم للمقلاة، واتركيها تُطهى داخل الصوص حتى تنضج حسب الرغبة (10 دقائق).

7. أطفئي النار وأضيفي ملعقة الزبدة الباردة مع التحريك حتى يلمع الصوص ويتكثف.

ثالثًا – تحمير الكمثرى:

8. في مقلاة أخرى، ذوّبي الزبدة.

9. أضيفي شرائح الكمثرى ورشّة القرفة، وشوّحيها لدقائق حتى تصبح ذهبية وطريّة قليلًا دون أن تنهار.