بحث هذه المدونة الإلكترونية

الأربعاء، 22 مارس 2017

فتة مكدوس ( نور )

فتة المكدوس
نقطع خبز مربعات ونقليه
نقشر باذنجان صغير اقلام اقلام ونحفره متوسط الى رفيع 
نقلي لحمة مفرومة بقليل من زيت المازولا مع ملح وفلفل ونحشي الباذنجان ونقليه بالزيت
نضع في طنجرة ملعقة طعام سمنة ونقلب بصلة مقطعه جوانح الى ان تذبل نضيف ماء وصلصة طماطم وملح وحمض ممكن ليمون او دبس رمان او تمر هندي حتى يغلي المزيج نضع الباذنجان المحشي والمقلي في هذه المرقه
لصلصة اللبن نضع لبن زبادي وطحينة وليمون وملح وممكن فص ثوم ونمزجهم مع بعض
وقت التقديم نحضر بايركسة ونضع بها الخبز المقلي ثم ماءالبندورة المحضر ثم طبقة اللبن ثم نرص الباذنجان على الوجه 
نرش بقدونس مفروم ورشة فلفل للتزيين وطبعا سمنة وصنوبر
وصحة وهنا
ملاحظة:ممكن وضع شرائح باذنجان مقلي ولحمة مقلايه بدل الباذنجان المحشي

انشيلادا الدجاج اكله مكسيكية ( طوبى )



سلطة السيزر ( طوبى )

                        طريقة السيزر 
قطعت الخس وعملت الميونيز يلي هو عيارة عن بيضة 😎 سن توم رشة ملح ورشة سكر اخل ابيض عصرة ليمون وزيت بلدي بعدين لبن وجبنة كيري اوريغانو وخردل خلطت الخس بالميونيز بعدين صدر دجاج تبلتو بملح وفلفل وقلبتو مع الزبدة لحمر وحطيتهن عالوش مع التوست وضفت فوقهن كمان مايونيز

فاصوليا بالزيت ( غيداء )

فاصوليا بالزيت ....بصلتين متوسطة،٥حبات طماطم متوسطة ،راس ثوم ،نصف كيلو فاصوليا خضرا،كمشتين كزبرة خضراء،ملح ،زيت زيتون .....بالقدر زيت زيتون +بصل نقليهم على نار خفيفة،بعد ان تدبل  وتتقلى وتصبح بلورية نضيف الطماطم مقطعة ناعم ، نقليها جيدا ،نضيف الفاصوليا والملح ....وعلى نار خفيفة تقلب الى ان تنضج تماما وتقلى جيدا ، نضيف الثوم الناعم ويقلب جيدا ويترك يتقلى مع الفاصوليا ....اخر الشي الكزبره الخضرا...ويقلب بعض التقليبات .....ويترك الطبق حتى يبرد ....والف صحة وهنا

الأربعاء، 15 مارس 2017

سوشي ( أم غيث )



مكونات السوشي 
ورق الطحالب الاخضر من السوبر ماركت اسمه ورق النوري
و طبقة رز انا سلقتها مع مي و بالاخير بخلطه مع ملعقة خل الرز
والحشوة اي شي بتفضلوه ممكن كراب وممكن سالمون من السوبر ماركت جاهز مسلوق وممكن تونا وم وممكن دجاج مسلوق  مع الخضار يلي بتناسبكم 
خيار او افوكادو او بصل اخضر او مانجا  وكله شرائح صغيرة ناعمة ونلفه اما بحصيرة البامبو الخاصة بالسوشي او بالنايلون 
ونضعه بالبراد ونقطعه وقت التقديم بسكين حادة والف صحة


طريقة أخرى
السوشي ممكن يكون بالكراب و الخيار وبصل اخضر والحشوة التانية  سلمون مع افوكادو 
نوع خليت ورق النوري وفوقه الرز والتاني حطيت طبقة رز وفوقها ورق النوري

لزانيا بالسبانخ ( بشرى )

اول شي 2بصل فرم ناعم مع 3فص توم نشوحهم  على النار ليدبلو صم لحمة ناعمة  لتستوي ثم فطر مكعبات  و بعدين نضيف  السبانخ على نار عالية و نضيف الملح و فلفل و زنجبيل بودرة و كزبرة بودرو و نضيف الحليب لبتشربو ويستوي   بهالوقت منكون سلقنا اللزانيا و حضرنا البشاميل اظن مقدار3كاسات حليب كافي حسب حجم طيب التقديم ندهنو بشوية زبدة بعدين نوزع طبفة لزانيا منك فوقها تلت كمية السبانخ مع شوي من البشاميل بو نكرر العملية لنفاد الكمية و عوشا جوزة الطيب  مطحون تازة مع جبنةةمزوريلا عالفرن ربع ساعة وصحة وهنا  . الأطفال  حبو هالطريقة بتقديم السبانخ اكتر من سبانخ باللحمة

الثلاثاء، 14 مارس 2017

منزلة محشية ( رنا )




الاكله اسمها منزلة محشيه
هي عبارة عن بندورة بنفرغها من اللب ومقطعة نصفين وفليفله وبطاطا كمان بحفرها وباذنجان مقشر مقلم 
والحشوة :بصل ناعم ولحمة وزنجبيل مطحون وملح وفلفل وبابريكا حلوة بنحشي فيهم الخضرا 
والمرقه عبارة عن بندورتين تازة ضربتهم بالبراون مع ماء ورب بندورة ومكعب ماجي 
وصحتين وهنا

فطيرة الدجاج ( نور)

فطيرة الدجاج بالبيف بيستري
نحضر بايركسة كبيرة الافضل تكون مستطيلة وندهنها زبده ونرص عليها مربعات البيف بيستري
نحضر الحشوة وهي عبارة عن
علبة حليب
3 ملاعق طعام طحين
ملعقة طعام زبدة
ملح 
فلفل
مكعب ماجي
علبة ذرة
علبة قشطة
صحن صدور دجاج مخلية مسلوقة ومنتفه
ممكن نقطعها مكعبات صغيره ونقليها لتستوي
او دجاجه كاملة منسلقها ومنفتتها
ومنضيفهم لخلطة البشاميل بس ليستو
المهم منحط المكونات مع بعضها ومنحركها عالنار لتتجانس كلها
منترك الخليط ليبرد
منضيفه فوق البيف بيستري
ثم نضع جبنة موزريلا مبشورة
ثم طبفه من مربعات البيف بيستري
وبالسكين نحطط اشكتل مثلثات يعني كل مربع مثلثين
ممكن الحشوة نضع منها حسب الرغبة قليله او كثيره
توضع بالفرن على حرارة 180
لمدة نصف ساعه حتى تستوي ونحمرها من الاعلى قليلا
طبعا بعد اخراجها من الفرن تترك حتى تبرد ثم تقطع على اشكال مثلثات
وصحتين وهنا

مقلوبة ( علا طباع )

المقلوبة 
البيتنجان بجيبه الكبير وبقطعه دوائر وبلكن بالطحين بعدين عالقلي ..
اللحمة يفضل شقف وبحط معن كم قطعة بعضمه بيعطو دسم .. يا ريش يا عضام عالحل .. بسلقن وبكتر ملحن مشان ساوي الرز بمرقتن 
بقطع بندورة شرحات بصفها بسفل الطنجرة وعالداير البيتنجان وبالنص اللحمة .. فوقن بحط الرز المنقوع (كاسة رز قصير و3 كاسات حبة طويلة )
بصب فوقن عيارن من مرقة اللحمة وعنار قوية اول ما تغلي بنوصها وبتركن يستوو عالهادي

صيادية ( بنان )

الصيادية:

بتدهني السمك ببهارات السمك وزيت الزيتون
وإذا ماعندك بهارات سمك فليفلة حمرا وهيا وملح وفلفل وكزبرة ناشفة وأهم شي الكمون بكمية وافرة وزيت الزيتون
وبتتركيهم شي ساعتين

بطنجرة الرز بتقطعي بصلة ناعمة وبتقليها لحتى تغلق لونها
بتضيفي سمكة بتكون مقطعينها ناعم عالبصل ثم  بتحطي
 المي تبع عيار الرز 
ولما يغلي بتحطي لكل كاسة رز ملعقة صغيرة ملح وملعقة كبيرة كمون وبتسقطي الرز
السمك بتكون حطيتيهم بالفرن يستوي مابيحتاج فترة طويلة حوالي 25 دقيقة لازم يبقى طري
وبتزينيها بالقلوبات والزبيب

الاثنين، 13 مارس 2017

بطاطا كومبير ودجاج مع البشاميل والفليفلة الملونة ( أم محمد )

 البطاطا 
بتغسليهن منيح و بتلفيهن بقصدير و بتسلقيهن وبعدين بس يخلصو بالسكينه بتقسميها من النص و بتفرغيها ( بتحطي البطاطا يالي فرغتيها مع قشطه و جبنه كاسات و و مايونز و جبنه قشقوان و زبده و فلفل و ملح و  ثوم بودره و اورغانو ) بعدين بترجعي بتحشيها مره تانيه و بتوفتيها ع الفرن شي عشر دقايق و وقت التقديم بتفكي القصدير و صحتين و هنا 💕

                    
 اما الطبق يالي جنبو هيه جاج مسلوق و بشميل و خضار ( فليفله ملونه و بصل و فطر )                        

سلطة بالميتو ( ولاء )

 مقادير السلطه
2علبة بالميتو (معلبات)
1علبة ذره
1علبةفطر طازج
1راس خس افرنجي
1علبة شيرا(بندوره صغيره)
3حبات جزر(مبروشين خشن)
جبنة موزاريلا( رشه)
عيارات الصوص
2سن ثوم
ربع ملعقة صغيره ماسترد(ديجون)
وازا نوع الماسترد خفيف ملعقه صغيره
كتشب حتى يصبح اللون زهري مركز
5 ملاعق اكل مايونيز
قليل من زيت الزيتون..نقطة خل..ملح..فلفل اسود..ماء شوي للتطرايه..ثم خفقهم يدوي
صحتييين وهنا🌹                        
 الصوص يوضع جانبا ويؤخد منه حسب الحاجه....مقادير السلطه تخلط مع بعضها والجبنه على الوجه

k.f.c دجادج كنتاكي ( ولاء )

الطريقه :1-تنقعى الفراخ نصف ساعه فى خل مع نغزها بالسكينه من الجوانب 
٢-التتبيله :بصلتين مع معلقتين كبار خل وفنجان ميه تضربيهم فى الخلاط بحيث انه يبقى عصير وتعصريهم بالمصفاه على الفراخ 
٢-نضع توابل توم بودر وبصل بودر بابريكا كركم كارى فلفل اسود وملح ونتركها ساعتين ويفضل من بليل يعنى 
٣-نجهز بيض ودقيق وبقسماط اوخلطه بروست البيت نضع الفراخ فى البيض ثم الدقيق ثم البيض ثم البقسماط او الخلطه 
٤-نجهز طاسه عميقه مليانه زيت ولازم يغلى كويس ونقلى الفراخ ونوطى النار ثم نعلى لحد ماتستوى 
وبالهنا 

فطيرة باللحم ( رشا - هدى )






العجينة :500 غرام طحين
بيضة
4 م.ك زيت
1 م.ص سكر
1 م.ص ملح
خميرة
ونتركهم 90 دقيقة يختمروا

الحشوة : 500 غ لحمة مفرومة ومقلاية
150 غ كتشب
بصل 
3 مخلل خيار
150 غ جبنة
وعالوجه : 2 م.ك حليب وسمسم

ملاحظة يمكن اختيار اي خلطة

الأحد، 12 مارس 2017

سلطة بلغارية ( طوبى )

سلطة بلغارية  
                    



 المقادير

طبقة خس 
طبقة بندورة كرزية
طبقة فطر 
طبقة ذرة
طبقة جبنة بلغارية
طبقة توست 


وعالوش الصوص 
بيضة 
خل ابيض
ملح
سكر
عصير ليمون
زيت مازولا حتى يسمك الخليط بالخلاط بعدين منضيف جبنة كيري 
لبن
خردل
اوريغانو منحطهن عالوش وصحتين وعافية


ملاحظة 
يمكنك الاستعاضة عن البيض بالبطاطا المسلوقة أو الحليب 

السبت، 11 مارس 2017

فتوتشيني ( أمل )

طريقتي للفوتوتشيني:

قطعي نص كيلو صدور دجاج مكعبات و تبليه بملعقة صغيرة بهارات ايطالية، نص ملعقة صغيرة ملح و نص فلفل و اتركيه على جنب اذا حسنتي اكتر من نص ساعة

عالنار زيت و زبدة و بصلتين مفرومين ناعم و 6سنان ثوم، ضيفي الدجاج و قلبي، ضيفي علبة فطر
لما يستوي الدجاج ضيفي 3كوب كريمة طبخ، نص م.ص ملح، ربع فلفل، جبنة بارميزان و موزاريلا
و اتركيها تتعقد شوي
اذا جامدة مدديها بنص كوب حليب

عند التقديم اخلطيها مع معكرونة لنغويني مسلوقة
بدون فرن 
و الف صحة

بديل الكريمة 
كوب حليب 
علبة قشطة 

دجاج مع الخضار ( نور )


الطريقة :
قطعت جزر دوائر  ـ وكوسا دوائر  ـ وبطاطا مكعبات صغار  - وبصل   مكعبات ـ وتوم  ـ وفطر فريش🍄ـ وبروكلي🌳
حطيت صدور الجاج والخضار 🍗🍃 بطنجرة وحطيتلون خل ، وليمون ، وزيت ، وملح ، وفلفل ومكعب ماجي ، وكاري ، صويا صوص ،وبابريكا ، واوريغانو شوي  ، وبهارات مشكلة ، وكركم  وقرفة شوي ، وزنجبيل مطحون ، وشوي صغار كمون وتركتون بالبراد شي ساعتين ( لأن كان عندي مشوار 🙈) 
بعدين حطيتلون كمان شوية زيت و حطيتون بمقلاية الضغط شي نص ساعة وهنن عم يستو  حطيت دبس رمان 🍱
وصحة وهنا 

أنصاف القمر ( نور)

بالنسبه لأنصاف القمر
نحضر خبز التوست المربعات ونقطعه دوائر كبيرة ممكن عن طريق وضع كاس كبير أو زبدية مدورة صغيره
بالنسبه للأطراف المقطوعه ممكن نضعها وننشفها ونطحنها ونستخدمها فيما بعد 
بعد ان نقطعهم دوائر حسب كل واحد الكميه الي بيحتاجها
ندهن كل دائرة بجبنة دهن(كاسات)
بالنسبه للحشوة
نفرم بصل ناعم
وصدور دجاج نفرمها ناعم
نضع قليل من زيت المازولا ونقلب البصل الى أن يدبل نضع الدجاج المفروم مع ملح وفلفل ويقلبوا حتى يستوا
نضع على خبزة الدوائر المدهونه بالجبنة حشوة ونضع خبزة  مدهونه فوقها
حتى تصبح مثل ساندويتش مدور محشو بالدجاج
نخفق القليل من البيض مع اضافة القليل من الحليب وملح وفلفل
ونغمس الساندويتش المدور في البيض ثم نغمسهم بالكعك او الخبز المطحون
نحمي زيت ونقوم بقليهم قلي خفيف حتى يصبح لونهم ذهبي
نضعهم على ورق للتصفيه ثم نقطع كل دائرة نصفين وترص في الطبق
وصحتين وهنا

الخميس، 9 مارس 2017

دجاج بالزربيان من مطبخ ( طوبى الحرش )


بتسلقي الدجاج مع قرفة وهيل وبس وطبعاً بتكتري قرفة كتيييير انا حطيت اعواد وقرفة مطحونة بس يستوو بتشيليهن ع جنب وبتحطي لبن وبندور يابسة وبتدهنيهن وبتحمريهن بعدين بتجيبي تقريباً شي ست بصلات بتقطعيهن وبتقليهن بالزيت مع (اشلميش) يلي هو زبيب بلا بزر بتحطيهن ع جنب
بتحطي عيار الرز رز بسمتي من مرقة الدجاج وبتطبخي الرز وبس تنشف المي بتعملي حفرة بالنص وبتحطي نصف البصل والاشلميش وبتجيبي من المرقة وبتحطي فيها ملعقة كركم او زعفران وبترشيها بشكل عشوائي عالرز وبتتركي الرز ليستوي مزبوط
بعدين وقت التقديم بتخربطي الرز وبتسكبي وبتحطي الدجاج المحمر وعالوش يلي بيقيو من البصل والاشلميش مع مكسرات  وبتقدري تقدمي جنبهن الصوص يلي هو عبارة عن بندورة وفليفلة خضرا وكزبرة يابسة وتوم وفلفل وملح 😋
وصحتين وهنا

عجينة الفطائر ( رنا)

عجينة الفطائر: 
كيلو طحين
ظرف خميرة فوريه
معلقه ب.ب
ثلاث ملاعق سكر
رشه ملح
تلات ارباع كاس  زيت
معلقتين لبن او ٢ملعقه حليب بودرة
ماء دافئ للعجن حسب الحاجة

الثلاثاء، 7 مارس 2017

دجاج مع الفطر بزيت الزيتون ( دانية )

بصل طويل بكمية كبيرة نضعها في القدر مع زيت الزيتون(بس هلاء  صايرة بخلطه مع الزيت النباتي بيصير أخف ) نقلبه قليلا 
من ثم نحضر أفخاذ الدجاج بدون جلد بعد إزالة الزفرة نضعها فوق البصل 
طبعاً ملح وفلفل وقليل جداً من الهيل الناعم
فطر مقطع ممكن نضع ملعقة كبيرة طحين ليتماسك السائل قليلاً
وعوافي وهنا 🌷

تشكن فاهيتا مع المعكرونة بالوايت صوص ( ولاء )




الطريقه :فاهيتا اوراك دجاج مخليه او صدور تتبل بالملح والفلفل الاسود وتحمر فى الزيت ونطلعها على طبق وفى نفس الزيت نشوح بصله متقطعه وفصين توم مهروس وفلفل الوان 
ونقطع قطع الفراخ ونضعها على البصل والفلفل 
المكرون

ه :نسلق المكرونه ونحضر الوايت صوص عباره عن معلقتين سمنه ومعلقتين دقيق وكوب كريمه طبخ ونصف كوب لبن ونشوح المشروم والفلفل وقطع دجاج وزيتون ونضع نصف المكرونه ونصف الصوص وفوقها المشروم والزيتون وجبنه موتزاريلا وشيدر صم نضع باقى المكرونه والصوص ونرش عليها جبنه موتزاريلا وشيدر ونضعها فى الفرن ثلث ساعه ونحمر الوش 
وبالهنا

العجينة الغيدائية

 العجينة الغيدائية


٤ونص كوب دقيق 
نصف كوب ماء دافيء مع ملعقة خميرة كبيرة و٢ملعقة كبيرة سكر (تترك حتى تتخمر )
كوب حليب دافيء
ملح
٢ملعقة طعام زيت زيتون
٣-٤ ملاعق طعام زيت ذرة 
وبالعجانة خلط لمدة ١٠د
وتتركيها ترتاح ساعة 

بتعملي فيها كل انواع الخبز والمعجنات 

ممكن تزودي سكر وتقللي ملح تصبح حلوه وبتعمليها بالكيري والقطر 

ممكن تعملي فيها خلية النحل 

وبتعملي فيها الصامولي وخبز الهمبرجر الصغير 

وارغفه صغيره للسواريهات

ويلي بدك   
                     
 بحسب النوع الدقيق ....يجب ان تكون لينه ....دون ان تلتصق باليد                        
    وبعمل فيها قراميش الحرق باصبعو 


     بس ملاحظة ...
لا تعملي فيها الشيش برك او العجين يلي داخل حرق باصبعو ...  لانه بتنفش بتصير كبيره          
و طعم الزيت باللبن مو طيب   

خبز مدور بشرائح البصل والدجاج ( دانية )

الحشوة
بصل شرائح فليفلة ملونة مقطع بشكل طولي فطر (بستخدم طازج)
صدور دجاج مقطعة نقلبها بالزيت على النار مع مكعب ماجي فلفل قليل من الهيل كركم كزبرة يابسة ناعمة وبعد أن يستوي الدجاج نضيف إليه  الخضار نقلبها قليلاً ونضعها في وعاء ونضيف لها ميونيز وجبنة كرافت 
الخبز نقطعه ونضع القاعدة في وعاء يتحمل الحرارة ونضع فوقه جبنة شرائح وبعدها حشوة الدجاج وجبنة موزريلا ونغطي بطبقة الخبز العليا
نضيف فوقها كريمة طبخ سائلة وقليل من الموزاريلا وندخلها الفرن 
وصحة وعافية

حامض حلو ( طيبة)

 حامض حلو 
الطريقة :
كيلو صدورة دجاج مقطعة🍗 بعد ما نفور عليها منصفيها ومنقليها بالزيت مع ملح وبهارات صينية وفوقها بصلتين مقطعين مربعات كبيرة شوي و٢ بندورة مقطعة صغيرة🍅 وبعدين الاناناس 🍍والفليفلة الملونة اخضر احمر اصفر مقطعين مربعات بحجم قطعة البصل 
الصوص 
٢كاسة ماء
نصف كاسة نشاء
نصف كاسة سكر 
نصف كاسة رب البندورة 
نصف كاسة خل تفاح 
وصويا صوص حسب الرغبة 
وبجنبها نودلز بعد السلق منقلي بشوية زيت مع الصويا صوص 
وألف صحة وهنا 😊
وفلفل أبيض

الاثنين، 6 مارس 2017

تارت السبانخ ( أمل )

تارت السبانخ 

العجينة:
3كوب دقيق
م.ص ملح
م.ص بيكنج باودر
50غم زبدة 
بيضتين
علبة زبادي
(2م.ص خميرة+ 3م.ك ماء دافي+ م.ك سكر) نخلطهم و نتركهم 5دقائق 
ثم نضيفهم للعجينة و نعجن جيدا
نتركها ترتاح لمدة ساعة

الحشوة:
نقلي بصلة ناعمة بالزبدة
نضيف السبانخ مغسول و مفروم
تقريبا حطيت ضمتين كبار
نقلب حتى يذبل
نضيف ثلاثة ارباع م.ص ملح
ربع م.ص فلفل
ثلث م.ص بهار مشكل او ايطالي ممكن بيلبق و نحرك ثم نطفي النار
نضيف 3ملاعق كبيرة جبنة كاسات (مراعي، كرافت، و ممكن لو حبيتي تضيفي شوي موزاريلا او شدر)
نحرك حتى يتجانس

على فرن حامي:
حرارة 180
لمدة 20 دقيقة

             و الف صحة و هنا

كبسة (ولاء)

المقادير :كوبين ارز بسمتى ومعلقه كركم ومكعب مرقه وعود قرفه وقرنفل وليمون اسود وورق غار وحبهان 
دجاجه وبهار مشكل للدجاج وكركم وملح 
الطريقه:نضع كوبين الارز فى طنجره ونضع مكعب المرقه وكوبين المياه وعود قرفه وليمون وورق غار وحبهان وكركم ومعلقه زبده ونغطى الطنجره بورق فويل محكم ونعمل فيه فتحات بالسكينه ونضعه فوقه فراخ المتبله ونغطيها بورق فويل ونضعها فى الفرن ساعه ونصف واخر نصف ساعه نرفع الفويل من على الدجاج وبالهنا

معكرونة (لزانيا ) ( طيبة )

نسلق المعكرونة 
وبعدين الباشميل
 وفوقهم صوص اللحمة والبصلة والفلفل والملح ورب البندورة والبندورة
 وفوقهم كمان معكرونة وبشاميل
 وعالوجه قشقوان ورشة باربكيو 
وألف صحة وهنا

عجينة خلية النحل ( أمل )

عجينة خلية النحل:
3ونص كوب طحين
م.ك خميرة فورية
3م.ك سكر
م.ص ملح
كوب حليب دافي
نص كوب زيت
ربع كوب لبن زبادي
اعجنيها منيح و اتركيها تختمر ساعة

مهم وقت الخبز يكون الفرن حامي جدا

و الف صحة و هنا

الجمعة، 3 مارس 2017

كولونولي بالسبانخ والجبنة ( نور )


بالنسبه لصلصة الطماطم
بتحطي  علبتين طماطم مقشرة
وممكن انت تعمليها على ايدك
فصين تلاته توم مهروس
ملح 
فلفل
اوريغانو
زيت زيتون
بتحطيهم عالنار ليغلوا

[٢٢:٥١، ٢٠١٧/٢/١٨] نور رجولة: بالنسبه لحشوة الجبنة
 مع السبانخ
بتجيبي جرزة سبانخ بتقطعيها كبير وبتغسليخا وبتقليها عاالنار من غير شي لتدبل
بتقيميها
وبتحطي بنفس الطنجرة 
2 علبة جبنة فيتا
1 كوب كريمة طبخ
1 كوب حليب
نص كوب جبنة موزريلا
5 حبات جبنة كيري
وبتحطيهم وبتحركيهظ ليدوبوا ويتجانسوا
                      بترجعي بتحطي فوقهم السبانخ                        


 بتجيبي البايركسه بتحطي من صلصة البندورة
وباستني لتب د الحشوة ابع الجبنة وبتحشي ااكونولوني وبتصفيهم ولازم تتركي بينهم شوية مسافه لانه بيتمددوا لما بيستوا
وبعدين عالوش مرة تانيه من صلصة الطماطم يلي مجهزتيها
 وبالفرن على خرارة متوسطة شي نص ساعه او اقل بتكون استوت
وصحتين وهنا

حراق باصبعو ( غيداء )

الحرق باصبعو
كل كاستين عدس كاسة وربع عجين مجفف

بصله مقطعة مكعبات بقليها بالزيت الزيتون وبضيف الماء والعدس والعجين مع بعض 

بعد ما ينضج بضيف ملح والليمون بعدل حمضه ...بكون قليت الثوم منيح بزيت الزيتون وبعد ما يتحمر بضيف الكزبره الخضرا...وبقليهم كلهم بضيف منهم شوي فوق العدس 
بعدين بذوب٣ملاع قدقيق وبصبهم مع التحريك فوق العدس
بقلي البصل جناح متوسط القلي
وبقلي عجينه متل تبع البيتزا للوجه


ان يكون صحن الحرق باصبعو من غير زينه ....وبجوارها طبق بصل ...طبق الثوم والكزبره المقليه ...وطبق بالقراميش 

حراق أصبعو ( أم غيث )


 بعد سلق العدس بحط  عصير التمر الهندي والليمون و دبس الرمان و الملح وبظبط ملحه يكون ظاهر شوي لانه الخبز بيمتص الحمض وبعدين بنزل الخبز والبصل المقلي مع زيته وبتركه يغلي على نار وسط ليستوي الخبز 
وبالاخير  نزلي الكزبرة والتوم والزيت البلدي والف صحة

كرات اللحم مع الصلصة الحمراء