سلطة الشوندر ( امل )

سلطة شمندر😋

شمندر

رمان

بصل(حطيت عادي و اخضر)

بقدونس

برغل ناعم أو كينوا

و التتبيلة: ملح، فلفل، ليمون، زيت زيتون

تبولة بالكينوا ( أمان )

يستخدم الكينوا مع بعض الأكلات والسلطات للفائدة 

يحتاج لسلق 

فتة كوسا ( امان )

*فتة الكوسا*

المكونات

½ كيلو لحمة مفرومة

2 حبة متوسطة الحجم بصل مقطعة جوانح

5- 6 حبات كوسا متوسطة الحجم

1 مكعب ماجي

خبز مقطع الى مكعبات صغيرة ومقلي

*صلصة اللبن :½ كيلو لبن 

ملح .. ½ فنجان قهوة طحينة

ليمون .. 2 فص ثوم مهروس

طريقة التحضير

1. في مقلاة على النار نقلب اللحمة والبصل الجوانح مع قليل من الزيت .

2. نضيف رشة ملح وفلفل والقليل من البهارات المشكلة ونقلب جيداً الى أن تنضج اللحمة تماماً.

3 .نقطع الكوسا طولياً ثم تقلى في زيت غزيز الى أن تشقر .

4. بعد أن تنضج اللحمة ويجهز الكوسا نضع الكوسا فوق اللحمة ونضيف القليل من الماء والماجي ويترك قليلاً على نار هادئة بعد أن نغطي الطنجرة .

5. نترك المكونات مع بعضها على النار الى أن تجف الماء عنها .

6. في طبق التقديم نضع الخبز المقلي .ثم نضيف الكوسا واللحمة فوق الخبز .

7. نجهز صلصة الروب بإضافة جميع المكونات مع بعضها البعض وتخلط جيداً .

8. نغطي المكونات بصلصة الروب وتزين بالمكسرات والبقدونس وتقدم مباشرة.

فتة  الكوسا طريقة ثانية 

خبز مقلي 

و مرقة المحشي

و لبن و طحينة

و بتقطعي كوساية محشية ( بالرز )  عالوش دوائر

أرضي شوكي بالزيت ( أم السعد )

قليت 

بطاطا مكعبات

وقرع اصفر 

وجزر

وحطيتهم بمصفاية غسلتهم ليروح الزيت 

وبقدر ثاني 

زيت زيتون 

قليت ثوم وكزبره خضرا

وحطيت الخضار فوقهم ....وشوية ماء وغطيتهم ١٠ د

مع ملح وفلفل

مقلوبة صحية ( ضحى )

دهنتو بالفرشاية زيت وحطيت ملح وفلفل وعالغريل شويتو

حطيت ورقة زبدة وقطعت الباذنجان قطع سميكة ودهنتو بالفرشاية شوية زيت مع ملح وفلفل تقريباً ربع ساعة على حرارة عالية

سلطة الزهرة المقلية ( أمل )

الطريقة:

خس

ذرة

زهرة مقلية

بطاطا عيدان ناعمة مقلية(تبلتها بملح و بابريكا)

الصلصة:

علبة لبن زبادي

ملعقة كبيرة لبنة

٥ملاعق صلصة رانش

ملح

خل

وزينت الوجه بسماق

شاورما عربي ( امان )

🌯شاورما عربي🌯

٥٠٠ غرام صدور دجاج

٣ملاعق طعام زبادي

ملعقة كبيرة خل

عصير ليمونة

ربع كوب زيت زيتون

ملعقة صغيرة ملح .كمون.بابريكا.بهار مشكل.زنجبيل بودرة.ثوم بودرة

بطاطا مقلية أعواد رفيعة

مخلل مقطع طولي

خبز صاج

🥣الصوص للساندويتش :

٣ملاعق كبيرة زبادي

ملعقتين كبيرة طحينة

ملعقتين كبيرة عصير ليمون

نصف ملعقة صغيرة ملح

ملعقتين ماء

٣ فصوص ثوم

📍الطريقة :

-تقطع صدور الدجاج لشرائح طويلة ونحيفة ونتبلها وندخلها الثلاجة قبل بيوم أو على الأقل قبل ٤ ساعات من الطبخ.

-نسخن المقلاة على درجة حرارة عالية ونضع الدجاج مع خلطاه ونقلبه وندعه حتى يستوي تماما ويتحمر وينشف ماؤه 

-نفرد خبز الصاج ونع عليه الصوص المعد مسبقا ثم نضع المخلل ثم البطاطس المقلية ثم الدجاج .. ممكن اضافة ماتحبون على ذوقكم 

-ثم نلف الساندويتش جيدا ونضعها على السخانة حتى تتحمر من الجهتين ثم تقطع مربعات .. وألف صحة وعافية

سلطة الدجاج البوب كورن ( أمل )

سناك الذرة مع صوص الجبنة ( أمان )

* ذرة بالصلصة والجبن *

علبة ذرة كبيرة

ملعقة زبدة كبيرة

نص ملعقة صغيرة ملح

ملعقة صغيرة ببريكا

ملعقة كبيرة جبن سائل

كمشة جبنة شيدر

نخلط جانبا ملعقة مايونيز،كاتشاب قد بعض وقليل من الخردل مع بعضهم جيدا ثم تضاف معهم

ويخلطو جميعا جيدا حتى تذوب الجبن وتمتزج الذرة مع الصوص وصحة وهنا

أصابع الموزريلا بالناتشيو ( أمان )

وصفة أصابع الموزاريلا بالناتشوز🧀

*المقادير :

كيس كبير شيبس ناتشوز نكهة حار حلو

قالب جبنة موزاريلا 

بيض 

دقيق

*الطريقة :

نطحن الناتشوز ونضعه في صحن

نقطع الجبنة لأصابع متوسطة

ناخذ إصبع الجبنة ونغمسه في الدقيق ثم البيض ثم الناتشوز ونعود نغمسها بالبيض ثم الناتشوز مرة أخرى

نضعها في الفريزر لمدة ساعة حتى تتماسك

ثم نقليها في نار متوسطة وزيت غزير

وألف صحة وهنا😋

كبة نية ( هانية )

كاستين برغل ناعم

كاستين ماء مغلي

نص كاسة زيت زيتون

ملعقتين دبس فليفلة

ملعقتين دبس رمان

بصلة متوسطة

ملح

كمون

ستريبس الدجاج ( ريم )

ستريبس دجاج

قطعت الدجاج شرائح طولية وأضفت ملح وفلفل وبهارات دجاج وبابريكا وبودرة زنجبيل وبودرة بصل وليمون ونقعت الدجاج بالتتبيلة ساعتين بالبراد

،

في وعاء أضفت ثلاث أرباع كوب طحين مع ٣ ملاعق كبيرة نشا وملعقة بيكنج باودر والبهارات اللي بفضلها وماء حتى يصبح القوام سائل سميك،

نزلت الدجاج بالخليط وتأكدت إنه تغطى من كل الجوانب وبعدها بغمسه بخليط من الطحين والنشا وعالقلي بزيت غزير

وصحتين وهنا 😊🌷

سودة دجاج ( ضحى )

سودة دجاج 

بعد التنظيف نضعها بالطنجرة ونضع فوقها الماء وبس تطلع الزفرة يعني من أو غلوة فوراً بنحطها بالمصفاية وبنغسلها منيح بنكون مقليين بصل كتير حسب الرغبة وتوم مقطع وفليفلة ملونة و حبتين بندورة ودبس فليفلة بنضيف السودة والباقة العطرية (ملح وفلفل وهيل ناعم وكم حبة هيل وقرفة وزنجبيل وبهارات مشكلة ورشة خفيفة بهارات الكبسة ورشة كاري بيعطوها نكهة لذيذة ورقتين غار )وبنتركها على نار هادية حتى تنضج بالعافية

صينية رولات الجبنة ( نور )

🧀صينية رولات السمبوسك بالجبنة بالفرن🧀

نضع انواع جبنة مختلفه حسب الرغبة

موزريلا

شيدر

حلوم

كيري

منخلطهم مع بعض

منجيب زبدية ومنعمل فيها خلطة حندهن فيها كل ورقة سمبوسك قبل مانحشيها بالجبنة

وهي عبارة

عن بيضة مخفوقة كاسة لبن زبادي او حليب و٣ملعقة طعام زيت وبنخلطهم مع بعض

منفرد رقاقة السمبوسك بالعرض مو بالطول ومندهنها من الصوص بالفرشاية

ومنحط حشوة الجبنة بالطرف ومنلفها بتطلع متل انبوبة طويلة نحيفه فيها شوية جبنة

منجيب صينية مدورة ومندهنها  منيح سمنة او زبدة حتى من الاطراف ومنبدا منرص لفائف السمبوسك الطويله من الحواف ومنتم عمنرصهم جنب بعض بتطلع الصينية بالنهاية شكلها كانها حلزونية كبيرة مندهن الوجه من الصوص كمان ومنرش سمسم وحبة بركة حسب الرغبة وعالفرن شوي من تحت بدها شي تلت ساعه ومن فوق للتحمير شوي

طعمتها بتطلع بتشبه البوريك التركي

وقت التقديم تقطع مثلثات

وصحة وهنا🌸

شوربة الكريمة الجاهزة معدلة ( منال )

 بحط ظرف الشوربة بصحن وبجيب شرحات دجاج يكون سماكة وسط وبتبل الدجاج كل قطعة وعالوشين بالشوربة وبصفن بجاط بيركس او صينيه وبمسحها قبل بشوية مازولا مشان ما يلزق الدجاج الملكوك بالبودرة 

وبعد ما انتهي بحط على وجهن شي 3ملاعق مايونيز وبحط فوقن كاستين مي وكاستين حليب وبفوتن بالفرن شي نصف ساعة تقريباً المهم تفتحي الفرن وتنتبهي ما ينشف المي بتقدري تزوديها 

وومكن تحطي الكمية بظرفين من الشوربة حسب الحاجة 

وبتقدري تقلي مكعبات بطاطا وتزيني فيها علطرف تحطيها وممكن تحطيلا فطر فريش او عادي بتطلع بتجنن 

    وصحتين وهنا

فطائر الدجاج ( أمان )

وصفة فطائر بالدجاج مع الخضار

للعجينة :

٢كوب دقيق

ملعقتين كبيرة نشا ذرة

رشة ملح

رشة سكر

ملعقتين كبيرة سمن نباتي

نصف كوب ماء دافىء

📍للحشوة/

٢صدر دجاج مفروم

بصلة متوسطة مفرومة

فلفل ملون

بهارات (بابريكا . فلفل أسود .بودرة ثوم.فلفل حار.بهارات إيطالية )

ذرة

جبنة شيدر مبشورة وموزاريلا

📍الطريقة:

- للعجين :

تخلط المكونات الجافة ثم يضاف السمن وتعجن ثم يضاف الماء بالتدريج وبعد أن تعجن جيدا نغلف العجينة بالقليل من زيت الزيتون ونغطيها لحين تحضير الحشوة.

- للحشوة :

في مقلاة على النار نشوح البصل مع قليل من الزيت ونضع البهارات والفلفل الملون ثم نضيف الدجاج المفروم ونقلبها جيدا إلى أن تستوي المكونات كلها ثم نرفعها على النار.

ونضيف الذرة والجبن ونقلبها جيدا.

نفرد العجينة رقيقة جدا ونقسمها لمستطيلات بحسب الحجم الذي نريده للفطيره نحشي كل فطيره ونغلقها ومن الأطراف بطرف الشوكة نزينها

نحمي الزيت على نار متوسطة ونقليها وألف صحة وهنا

🔶ملاحظة : يمكن إستبدال الدجاج بطاطس مسلوقة مع إضافة بقدونس كمان لذيذة أو أي حشوة تفضلونها

كرات المسخن مقتبس

شوربة الذرة ( نور )

تحضيرها بياخد اقل من ١٠ دقايق 

المقادير

بصلة متوسطة الحجم

ملعقتين طعام زيت 

ملعقة طعام دقيق

علبة كبيرة ذرة

كوب وربع حليب

كوب ماء مغلي

رشة ملح

نصف ملعقة طعام بودرة بهارات ماجي

ملعقتين طعام جبنة كاسات 

الطريقة 

يقلب البصل مع الزيت حتى ينضج.. ثم يضاف الدقيق مع التحريك المستمر لمدة دقيقة 

ثم تضاف بقية المقادير وتترك حتى تغلي على نار هادئة 

ثم تقدم مع خبز محمص على الوجه 

وصحة وهنا 🌽

شوربة البصل ( أمان )

المقادير

٤ بصلات متوسطة الحجم

٣ ملاعق نشا ذائبة بنصف كوب ماء

٣ ملاعق زيت

٣ اكواب مرقة لحم أو دجاج 

ملح وفلفل 

الطريقة

يقلب البصل مع الزيت حتى ينضج تماماً ثم يضاف له باقي المكونات 

تترك تغلي ١٠ دقائق وتقدم مع جبنة موزوريلا مبشورة و خبز محمص 

صحة وهنا

كبسة الكماة ( أم السعد )

جيبي لحمة قطع بعظمها ...فوريها وكبي ميتها ...وحطي شوية زيت وقليها .....لتفوح هالريحة الحلوة 

وحطي ملح وفلفل ...وقليها لتحمر ....الله على هالريحة 

وحطيلها ماء وظبطي الملح ....واضغطيها ساعة ونص 

ويا سلام على هالريحة 

وانقعي الرز ...وخدي مرقة اللحمة واطبخي فيهم الرزات.... بعد ما تكوني حمصتي البصلات ليحمروا ....وقلبي الكمة وحطيتي فوقهم هالرزات 

وصبيهم بجاط كبير ....وزينيها بالكمة واللحمة واللوز 

وصحتين

بدك لحمة مفرومة كمان عادي

بدك دجاج بيظبط

بدك سمك كمان بيصير

مابدك بصلة كمان بيصير

بدك لحمة جيكوا كمان بيصير

ممكن تطبخيها متل الرز بالبازلا ....كمان فكره

ممكن تضيفيها مع الخضار المشكلة

ممكن تستخدميها بدل اكلات الفطر كمان

يخنة الكمأة ( طوبى )

ا عاملين الكمة بمرقة بندورة مع حمص ولحم بعضمه وبصل كتير ظريفة وطيبة وجنبها برغل او رز

سماقية حلبية ( سمية )

لحمة مسلوقة وللمرقة صلصة وثوم ونعنع وبيتنجان مقسم مربعات وسط

وتحميض المرقة بكون بالسماق بتغليه وبتاخدي المي تبعه

ومعها كبة

رولات الباذنجان ( ضحى )

رولات الباذنجان 🍆🍅 بتقشري وبتقطعي  الباذنجان ٣اقسام بالطول وبتدهنيهم  بالزيت ورشة ملح وفلفل وبتحطيهم بسخانة السندويش بتشويهم ل حتى يستوي بتقلي لحمة وبصلة وبتحطي بطرف الباذنجانة وبتلفيها وبتحطيهلها نكاشات اسنان وبتكوني عاملة كواج وبتحطي بالبيركس وبتصفي الباذنجان فوقو وبتحطي ماء ورشة بهارات الماجي وفلفل وبدخليها الفرن تقريباً  ربع ساعة بتكون جاهزة

سمك مشوي على الفحم ( ضحى )

مسك مشوي عالفحم 🐟

ننظف  السمك وأهم شي نفتح السمك ونزيل  الغشاء الأسود يوضه بالمصفية حتى يصفى تمام من الماء 

وبنحط الملح وفلفل وبهارات السمك المشوي ورشة زيت زيتون وشرائح ليمون بقلب كل فرخ سمك و بنشويه على الفحم نار هادية 

بنحضر عصير ليمون وثوم وملح وفلفل وشطة بس يجهز السمك نحط عليه  أو نغس فيه 😋😋

دجاج مشوي بالفرن ( ضحى )

دجاج مشوي بالفرن 🥕🥔🍗

ننظف الدجاج ونغسله نصفيه من الماء نتبل الدجاج بباقة عطرية (هيل وزنجبيل ورق غار وكاري وشطة و قرفة وفلفل و بهارات ماجي )ودبس فليفلة ودبس بندروة وملعقتين خل وملعقتين لبن وزيت نباتي نترك الدجاج بالتتبيلة تقريباً أربع ساعات بنقطع البطاطا والجزر والفطر والبازلياء ونضع لهم باقةعطرية ودبس بندورة مذوب ب كوب ماء ونص كوب زيت نباتي ونضع الدجاج فوقهم ونضعهم بالفرن على حرارة عالية وعندما تغلي نخفض درجة الحرارة ونتركها تقريباً ساعتين بالفرن وعندما تنضج نحمرها وتصبح جاهزة  صحتين وهنا

برك وكبة مقلية وبطاطا ( ضحى )

البرك  

لكل كوب طحين رشة ملح ملعقة طعام سمنة ربع كوب ماء فاتر بتعجنيها وبتشكلي البرك مباشرة ما بدها تخمير فوراً عالمقلاية بزيت حامي 

الحشوة جبنة بيضاء مع حبة بركة وسمسم 

كبة مقلية 

عجينة الكبة :

كيلو برغل ناعم نص كيلو لحمة هبرة (بدون دهنة )  فليفلة حمرة (حبتين )وبصلتين ملح فلفل شطة بهارات مشكلة حسب الرغبة  

لكل كيلو برغل تقريبا ٣كاسات ماء كبار وبتحطي الملح والفلفل والشطة والسبع بهارات أو بيقلولها بهارات مشكلة بس يتشرب البرغل الماء بتفرميه ب ماكينة اللحمة مع البصل واللحمة والفليفلة بتفرميهم مرتين عالماكينة وبعدين بتدعكيهم ب ايدك 

حشوة الكبة :

بتفرمي أربع بصلات ناعمين وبتقليهم ليزهر وبضيفي كيلو لحمة ناعمة مع ملح وفلفل وبهارا وشطة حسب الرغية بس تستوي بتتركيها تبرد الحشوة وبعدين بضيفي مكسرات حسب الرغبة ودبس رمان ورمان وبتكبكبيها يا أما بتحطيها ب قالب الكبة تبع ماكينة اللحمة أو على ايدك 

والقلي لازم يكون زيت نباتي نظيف والزيت حامي وكمية غزيرة من شان تكون الكبة مغمورة بالزيت وكمان لونها بالقلي حسب الرغبة

مفركة الكوسا ( ضحى )

مفركة كوسا 

نقطع بصلتين ونقليهم بالزيت النباتي حتى يزهرو نضيف اللحمة الناعمة مع ملح وفلفل وبهارات مشكلة (السبع بهارات ) حتى تنضج اللحمة نضيف الكوسا المقطعة حسب الرغبة ونقلبها مع اللحمة والبصلة ونغطيها خمس دقائق ويرفع عنها الغطاء ونضيف ملح وفلفل

ممكن إضافة البيض لها أيضا 

دجاج بالكريمة ( رؤى )

طريقة جاج بالكريمة 

اول شي بتقطعي تقريبا 5 بصلات حجم وسط قطع طويلة .. وفليفلتين خضر وتنين حمر وتنين برتقالي وتنين صفر .. كل وحدة حسب الكمية يلي بدها ياها .. كمان قطع طويلة .. منقلي البصل بشوية زيت زيتون ليبلشو يدبلو شوي منزل الفليفلات فوقهن ومنتركهن ليدوبو شوي .. ومنعمل الجاج لبين مايستو الخضار .. الجاج الكمية يلي بتحبيها مع برش ليمون وشوية ملح ومعلقة زنجبيل وشوية كاري و 3 سنان توم ..

وبس يدوبو الفليفلات شوي ويستو منحط شوية كاري وبهارات وتوم مطحون ومكعب ماجي  وبالاخير منحط فطر فرش ..

 الكريمة كاستين حليب  مع ٢ معالق طحين وكريمة طبخ جاهزة .. ومنزلها فوق الخضار ..

والرز يكون طويل و مع ذرة ..

خلية النحل ( ضحى )

خلية  النحل بالجبنة والسبانخ 

منتو سريع ( أم عبدالله )

نجهز الحشوة (بصل مفروم _لحم وبهارات)

العجينه هي رقائق السمبوسه الجاهزه

نضع الحشوة داخلها 

نلفها رولات 

نرصها في الصينيه 

ثم نحمرها في الفرن من اسفل واعلى وبعد ذلك نجهز البشاميل نضيفه على المنتو  ونزين الوجه بجبنة موزريلا وندخله الفرن ليتسبك قليلا وتحمر الجبنه وصحه وهنا

سمك بالفرن ( ام السعد )

انا بعمل سمك 

بهارات كمون مهم جدا

ثوم فصوص ...او بودره 

قليل من الليمون 

وبفركها منيح مع زيت الزيتون 

و بالفرن

ممكن اقلل الليمون او من غير ليمون 

ممكن ضيف شرائح بطاطا وجزر 

ممكن خضار

ممكن تعملي تتبيله بهارات وملح وفلفل وكمون 

وبتبشري قشر ليمون وقشر برتقال ناعم جدا ....وتفركي فيه السمك 

وتحطي زيت زيتون ....كمان بالفرن

في ناس تنقعه بالبهارات والليمون عدة ساعات

وردة اللحمة ( أمان )

☘🥩وردة اللحمة🥩☘

**المقادير :

لحمة مفرومة

بصلة متوسطة مفرومة 

بقدونس مفروم

بهارات (ملح،فلفل،بهارات مشكلة،ببريكا)

بطاطا مسلوقة

كريمة طبخ

جبنة موزاريلا

**الطريقة:

-تسلق البطاطا وتقطع على شكل دوائر وتصف في الصيني البايركس المدورة في الأرضية كاملة وعلى الأطراف . ونبقي كمية جامبا لتوضع بين كرات اللحمة .

-اللحم المفرومة توضع مع البهارات والبقدونس والبصل وتدعك جيدا باليد حتى تمتزج تماما ثم تشكل على شكل دوائر متوسطة الحجم

ثم تصف في البايركس فوق البطاطس ، بعد ان تصف الكرات وتنتهي الكمية نضع بينها دوائر بطاطا.

-توزع كريمة الطبخ أعلى اللحمة والبطاطا حتى تغمرها كلها ،ثم نوزع جبن الموزاريلا .

-توضع في الفرن على درجة حرارة ١٨٠ لمدة٤٥ دقيقة حتى تستوي اللحمة من الأسفل ثم نشغله من الأعلى قليلا حتى يكتسب الوجه لون.

😋وصحة وهنا

شاورما الدجاج ( ميسون )

دجاج مطبوخ بالبهارات المشكله والهيل وقليل من الخل والملح والفلفل 

بطاطا مقطعة مقلية مع قليل من المخلل بخيار 

تومية على الوجه 

جبنة مبشورة ( موزريلا ) 

دجاج مشوي ( ضحى )

ننظف الدجاج ونغسله بالماء ونثقبه ثقوب كثيرة بسيخ الشوي الخشب ونضع الدجاج بوعاء ونضع التتبيلة ونغمرهم بالماء ليلة كاملة 

التتبيلة :

 من كل نوع ملعقة صغيرة زنجبيل وهيل وفلفل أبيض وملح وبودرة الثوم وبودرة البصل وكزبرة يابسة رشة قرفة كم ورقة غار اثنان عود  قرفة  هيل حب ونقطع ليمونة شرائح ونصف كوب خل 

طريقة الشوي :

نصفي الدجاج من الماء وندهن الوجه بالزيت الزيتون أو النباتي والهيل الناعم من الداخل والخارج و نضعها بالفرن المحمى مسبقاً على الشبك  على درجة حرارة ١٨٠و بعد ساعة نقلبها ونشويها حسب الرغبة مع التقليب كل ربع ساعة حتى تصبح جاهزة 

وعند التقديم نرش عليها السبع بهارات (بهارات مشكلة ) وصحتين وهنا

تشيكن مارسالا ( نور )

تشيكن مارسالا

نحضر صدور الدجاج ونشرحها وندقعا تصبح نحيفه

للحشوة

جبنة موزريلا

جبنة كاسات

مايونيز

شوية ملح

وفلفل

وبابريكا

واوريغانو

وبهارات دجاج

نصع كل صدر  نحشيه بالجبنه ونلف الصدر

نحضر بايركسه او صينيه وندهنها بالزيت

ونرص صدور الدجاج الملفوفة المحشيه بالجبن

منرصهم جنب بعض كتير لانه وقت الشوي بينكمشوا

منحط الصينيه من غير مانغطيها على حرارة ١٨٠لمدة نصف ساعه تقريبا لنحس الدجاج استوا

السوس يلي عالوجه

نضع قليل زبدة او زيت وعلبة فطر مقطعه ورشة ملح ورشة فلفل

ونحمر الفطر قليلا

ثم نضيف كوب ماء مذاب فيه مكعب ماجي

وظرف شوربة كريمة الفطر

وعلبة كريمة الطبخ المقاس المتوسط

ثم نخلي الخليط يعلي ويتجانس على النار

ثم نصبه على الصينية

وممكن ندخلها عالفرن شوي

ليتجانسوا كلهم مع بعض

تقدم مع رز ابيض سادة جنبها

فخذ بالفرن ( أحلام )

بتجيبي فخد اللحمة بتغزي بالسكين شقوق وبتحطي في قطعة زبدة صغيرة وسن توم كل فتحة وبتبلي بالملح والفلفل والبهارات وزنجبيل وبودرة توم وفليفلة بودرة وشي معلقتين لبن وتركي كم ساعة او قبل بيوم بكون احسن وبعدها حطي بالصينية وحطيلو مي ومكعبات ماجي وغطي بالقصدير وتركي طبعاً بياكل وقت طويل مو اقل من 3 ساعات وآخر ساعة بكون مقطعة مكعبات بطاطا وكوسا وجزر وبروكلي وفطر واي نوع بتحبي من الخضار وبتحطيهن عالداير وبترجعي بتغطي وبس تشوفيهن استوو بتحطي وبتاكلي وصحتين وألف هنا

شيش برك كذابي ( بنان )

سلقت المعكرونة وحطيتها على جنب 

وقليت لحمة وبصلة وحطيتهم على جنب

بعدين شويت لبن متل الشاكرية

وبس حطيت كزبرة وتوم 

وسقطت المعكرونة واللحمة وقلبتهم

وبس صحة وهنا💐

شرحات دجاج مع صوص الفطر و ماش بتيتو ( نور )

هي صدور دجاج مشرحة ومتبلة

بملح وفلفل وبابريكا وبهارات دجاج وتوم بودرة وبصل بودرة واريغانو  وكزبرة يابسة وزيت زيتون

وعالفرن شي تلت ساعه بيكونوا استوا

الجاج لما بتشوي بالفرن على حرارة متوسطة١٦٠بتنزله مرقة طيبه ومابينشف

وبشويه من غير ماغطيه

ماش بتيتو

بالنسبه للماش بوتيتو طريقتي سهله كتير وظريفه

بقشر البطاطا وبقطعها مكعبات وبسبقها بمي مع ملح بطنجرة عاديه وشي ربع ساعه بيكونوا استوا بصفيهم من المي وبرجعهم على نفس الطنجرة وبحطلهم رشة ملح وفلفل اسود وشوية زبدة وشوية حليب وبهراسة الايد

وبتطلع طيبه ومو متكتلة ولا متشتشة

وصحتين👌🥀

وصوص عبارة عن فطر قلبته بشوية زبدة وملح وفلفل وضفت معلقتين طحين وقلبتهم وبعدين ضفت كاستين مي ومكعب ماجي ونص ظرف شوربة كريمة الدجاج ونص ظرف شوربة كريمة الفطر  وبتخليهم ليغلوا ويتعقدوا مع بعض منيح

المفروض الصوص تكون سميكة شوي

وممكن تمرقيها بسوية مي ازا لقيتيها سميكة زيادة

كل واحد بيسكب حاجته من الدجاج والماش بوتيتوا وبيضيف الصوص عليهم والف صحة وهنا

قريدس ( جمبري ) ( ضحى )

جمبري أو قريدس أو ربيان 🦐🍤

بتقشري القريدس وبتغسليه وبتصفيه وبتحطي الطنجرة عالنار فيها زيت نباتي وبتقليهم وملح وفلفل وشطة حارة وبتغطيهم عشر دقايق وبتكوني عصرتي حبة ليمون وحبة كرمنتينا بترفعي الغطا وبضيفي العصير  وبتتركيهم تتعقد مرقتهم بيصر صوص عندك وبس ينضجو حسب رغبتكم كلي وغمسي بالصوص وادعيلي

سليق مقتبس