بط بالفرن

*الطريقة الأولى :
 حشيتها وحطيتها بالفرن  وغطيتهاوالله بس بتاخد  وقت اكتر من الجاج  انه ساعتين  لانهم كانو تنتين  بطتيين
 انا  بفلفل  الرز مع اللحمة  وبحشيهم  وبدهنهم زيت وبملحهم  وببهرهم  وبحطهم بالفرن  بس  اول شي بغطيهم  ساعة  والتانية  مكشوفين  والفرن  انه  عالوسط احمى  شوي  وبس.
*طريقة أخرى:
البط انا جربتو وقت كنت بمصر وكتير طيب كان طعمو 
قطعتها ماخليتها كاملة وقليتها شوي من الدجاج وبعدها سلق طعمو رائع 
الحمام ماجربتو انا.

أوممكن ،  مثل الدجاج بالصينية مع خضار وصلصة بندورة كمان لذيذ

معجوقة بالخضار (ميسون)

 انا عملتا بنفس عجينة الكبة بس حشيتا حشوة خضار 
الحشوة عبارة عن بصلة وفليفلة ملونة حمرا وخضرا وفطر مقطع كلن منقلبهن ع النار شي يدبلو مع رشة ملح ورشة بهار واخر شي بتحطي سنين صغار توم وبتخلطيهن واول ماتبرد الحشوة بتشتغلي فيها مع عجينة الكبة بالشكل الدائري وقبل ماتسكريهن ع بعض بتحطي معلقة جبنة مازريلا او اي نوع جبنة بتمط بتحبيا وسكري عليها وبعدا ع الشوي بالفرن
انا هون قليتها لانو مستعجلة بس كمان طيبة😬🙈
هي الاصلية عبارة عن لحمة مبهرة بدل الكبة وبتحشيا بهاي الحشوة
وانا دقتا بعجينة الكبة وحبيتا اكتر طبعا الشغلة بترجعلكن

سترغنوف (أمان)

🍗المقادير:
2صحن صدور دجاج
1علبة فطر
1ونصف ملعقة كبيرة مليانه رب بندورة
1ملعقة كبيرة ماسترد خل
علبة صغيرة كريمة طبخ
بصلة كبيرة مقطعة جوانح
بهارات الدجاج

🍗الطريقة :
-في زيت بالطنجرة نضع البصل الجوانح ونقلبه الى بداية استوائه.
-نضيف فوقه علبة الفطر إلى أن يستوي الفطر تماما.
-نضيف الدجاج مع البهارات ونقلبه إلى استواء الدجلج تماما يصبح أبيض.
-نضيف صلصة البندورة والماسترد خل مع علبة الكريمة.
-نقلبهم جيدا حتى تنسجم الصلصة ويصبح لونها زهري.
-نترك الدجاج على نار هادئة إلى أن تستوي تماما ويتسبك مع الصلصة.
-تقدم مع الرز الأمريكي.

صحة وهنا😋
🥓طريقة الطبخة باللحمة🥓
-قطعي اللحم متل الشاورما قصير و رفيع و ملّحيه و بهّريه.
  - قلي بصل جوانح و فطر و فوقهم اللحمة لتحسيها استوت حطي كريمة الطبخ و ملعقة صغيرة صلصة(بالجاج منحط كبيرة) و حطي ملعقة كبيرة خردل مسترد(بالجاج منحط ملعقة صغيرة) و ممكن تضيفي شوية مي و غطيها تركيها اكتر من نص ساعة لأن اللحمة بتاخد وقت.

** لازم لونها يطلع مصفرّ مش مزهرّ متل الجاج

** و ممكن تضيفي مكعِب ماجي اختياري.

شوربات

شوربة البطاطا مع البصل🍵
*المقادير:
2بصلة وسط
5حبات بطاطا وسط
قليل من زيت القلي
6كاسات كبيرة ماء
ملح وفلفل وبهارات
2مكعب ماجي
2ملعقة كبيرة مليانه للطفحة طحين

*الطريقة:
-نقطع البصل لمربعات كبيرة ونقليها بزيت القلي ثم نضع معهم البطاطا المقطعة لمربعات صغيرة ونقليها معهم.
-نضيف الماء والملح والفلف والبهارات والماجي والطحين.
-نحركهم جيدا مع بعضهم ونخلطهم ونتركهم على النار هادئة حتى تستوي البطاطا وتغلي المكونات.
-نضعهم في الخلاط ونطحنهم جيدا.

🍵شوربة البروكلي 🍵
🍵شوربة الكوسا 🍵
نفس طريقة شوربة البطاطا
لكن نستبدل البطاطا بالبروكلي او الكوسا ونضيف مع الماء والطحين ملعقتين  جبنة كريمية

خبز تاوه

المطبق السريع

سندوتش الدجاج

ستي زبقى

 ستى زبئي
بتسلق العدس الاخضر
وبتحطي مكعب ماجي وفلفل وملح
وبتكوني سالقة معكرونة بس يستوي العدس بتحطي المعكرونة
وبعدين بدقي توم وكزبرة خصرة بتقليها بزيت زيتون وبضفيهم فوقهم والف صحة

عدس بحامض

بسلق العدس الاحمر المطحون طبعاً  بس يستوي بحط بقدونس ناعم وبتركو  علنار ليستوي البقدونس منيح وبحط ليمون وملح ومعلقتين طحين بتحليهن بالمي وبتحطيهن معو مشان يختر
الليمون عالذواق بس تكون كميتو منيحة وظاهر حمضو
وبالأخير بتقلي توم مدقوق مع سمنة وزيت مع بعض وحطيهن معهن
وصحتين وهنا كتير طيب على فكرة

***طريقة أخرى:
 العدس بحامض
عدس مسلوق ومعه سلق وبعدين بدقي توم وكزبرة وكمان بتئلي بزيت زيتون وبتحطيهم معهم بالاضافة للملح والفلفل الاسود

سلطة المعكرونة (ضحى)

بتسلقي المعكرونة وبتكوني مقطعة فليفلة خضرة وحمرة وصفرة وزيتون أسود وعلبة ذرة و علبة فطر و ومايونيز بلا ثوم و بس تنضج المعكرونة بتحطيها بالمصفاية وبعدين بضيفي المايونيز والخضار وبضيفي الاوريغانو وصحتين وهنا



**طريقة أخرى :

انا بعمل طريقة مشابهة وكتير طيبة

-مكرونة مسلوقة
-علبة ذرة
-علبة فاصوليا حمراء 
-فليلفة مكعبات صغيرة
-جزر مبشور
-زيتون أخضر ( حسب الرغبة)

الصوص : علبة لبن زبادي ، ٣ ملاعق سكر تقريبا ، مايونيز 


بنخلطهم جيدا ونضعه على السلطة ونقلبها وتقدم مباشرة 👍🏻

سلطة الشاورما (أمان)

🥗سلطة الشاورما🥗
-المقادير:
رأس خس وسط
بطاطا حبتين كبار
بشر نصف ليمونة
5ملاعق كبيرة لين زبادي
2ملعقة كبيرة مايونيز
عصير نصف ليمونة
ملح +بهارات مشكلة +هيل مطحون
ثوم مهروس
صحن صدور دجاج
زيت قلي أو زبدة
مخلل حسب الرغبة مقطع مربعات صغيرة (يمكن عدم وضعه)

-الطريقة :
*نغسل الخس جيدا ونفرمه وسط ونضعه في البايركس
*نقطع البطاطا طويلة ونحيفة ونقليها
*نقطع الدجاج شرائح طويلة ونحيفه ونضعه بالطنجرة ونشوحه مع الزبدة والثوم والملح والبهارات والهيل وبشر الليمون ونقلبها حتى يستوي الدجاج تماما وينشف ماؤه
*نضيف الدجاج على الخس ونصع فوق البطاطا المقلية والمخلل
*أخيرا نضيف الصوص (نخلط اللبن +المايونيز الملح+عصير نصف ليمونة)
*ممكن لفهم بخبز الساندويتش أو المشروح تورتيلا وممكن أكلها كسلطة من غير خبز.

😋صحة وهنا


د

سلطة الشوندر و المانجا(سندس)

 الصوص :
حطيت لبن ومايونيز وصلصة ثاوند ايلند الجاهزة وعصرة ليمون ورشة ملح
 إذا الشمندر حلو مافي داعي تحطي رشة سكر وازا مو حلو حطي رشة صغيرة
 وتحت طبقة جرجير وبصلة خضرا حطيتلن رشة ملح وعصرة ليمون وشوية زيت زيتون
بس ما خلطتن مع الصلصة مشان يتموا طازجات وماتنزل المي تبعن
 طبعا وحبة صغيرة مانجا مقطعة مكعبات.

رز بخاري و لحم ( علياء )

ننقع كاستين رز أمريكي
كيلو لحمة موزات (ممكن تكون لحمة شقف) نقش زفرتها
نفرم بصلة كبيرة و خمس اسنان ثوم، نقلبهم على النار مع شوية زيت
منضيف اللحمة ومنقلبهم بالزيت ثم نضيف كأس ماء وملح وفلفل وهيل و قرفة مطحونة ثم نضغطهم بقدر الضغط لمدة ساعة ( أو حتى تستوي اللحمة)
ناخذ مقدار ٣ كاسات من مرقة اللحمة بعد ما تستوي منطبخ فيها الرز مع اضافة ملح وملعقة صلصة الطماطم 
وصحة وعافية

شاورما المنزل (ميساء)

السلمون بسوس الليمون (آلاء)

سلمون بصوص الليمون والخضار ؛ 

الصوص : عصير ليمونتين /نصف اصبع زبدة بحرارة الغرفة / سن توم /ملعقة صغيرة عسل/ملعقة صغيرة ملح بالخلاط منخلطون منيح ...بعدين منحطون بزبدية ومنضيف عليهون كريمة طبخ علبة كاملة مع التحريك ..
وحتى ياخود الصوص اللون الأصفر نضع زعفران ومنحرك حتى نصل للون المناسب .

 السلمون : نتبلو ببهارات السمك ورشة ملح وكزبرة يابسة وبابريكا وتوم بودرة ...ثم نقليهون على الوجهين بشوي زبدة .ولما يقربو ليستوو منحط عالوش ملعقة من الصوص على قطعة حتى تاخد من الطعم . 

وتقدم مع رز أبيض والصوص  والخضرة المشكلة . 💛

سلطة مشكلة (هدى)

جمبري أو قريدس (ضحى)

جمبري أو قريدس 🦐🍤
بتقشري القريدس وبتغسليه وبتصفيه وبتحطي الطنجرة عالنار فيها زيت نباتي وبتقليهم وملح وفلفل وشطة حارة وبتغطيهم عشر دقايق وبتكوني عصرتي حبة ليمون وحبة كرمنتينا بترفعي الغطا وبضيفي العصير  وبتتركيهم تتعقد مرقتهم بيصر صوص عندك وبس ينضجو حسب رغبتكم كلي وغمسي بالصوص وادعيلي

قوارب الفليفلة (أمان)

قوارب الفليفلة بالصلصة الحمراء🥫
- ننزع رأس الفليفلة بطبقة رقيقة وتغسل وتنظف من الداخل والخارج (تكون كمية الفليفلة حسب الرغبة).

-للحشوة الداخلية :علبة صلصة معجون الطماطم، بصلة وسط، 3فص ثوم، 3ملاعق كبيرة ومليانة جبنة دهن سائلة، 1ملعقة صغيرة ملح، 1ملعقة صغيرة بهارات مشكلة، 2ملعقة صغيرة زعتر البيتزا، نصف كأس زيت زيتون 3بندورات كبيرة.

-نفرم في الخلاط البصل والثوم فرم ناعم ونضعه في الطنجرة مع صلصة الطماطم ثم نفرم البندورة بالخلاط ونضيفها للطنجرة، نضع باقي المقادير كاملة ونقلبعا على نار هادئة حتى تصبح صلصة سميكة ثم نحشي الفليفلة منها ونترك مسافة بسيطة اعلى كل فليفلة للجبنة، نوزع علة وجه الفليفلة جبنة موزاريلا.

-توضع في فرن متوسط الحرارة لمدة 30 دقيقة،تقدن ساخنة، نتأكد من أن الفليفلة طرية ومكتملة الاستواء.

🍴صحة وهنا🍽

سلطة الروكا (أمان)

 طريقة سلطة الروكا .. لبايركس مقاس وسط .. جرزة جرجير نغسلها جيدا وننزع الاعواد الطويلة من الاسفل ونجففها بمنشفه جيدا نفرمها فرم متوسط .. نضع فوقها ٢ خياره قطع مربعات متوسطة .. ٢ بندورة صغيرة قطع مربعلت متوسطة .. ثم نقوم بعمل الصلصة جانبا ٣ ملاعق كبيرة دبس رمان و ٤ ملاعق كبيرة زيت زيتون و ٢ ملعقة صغيرة ملح نخلطهم جيدا ثم نضعهم على المقادير ونقلبها الى ان تتشرب الصلصة ويصبح لونها من الصلصة .. نقوم بفرط حبوب رمانه واحدة وتوزيعها على الوجه .. ٢ كمشة جوز نقطعهم ناعم ونوزعهم فوقها ..
 اخيرا نقوم برش جبنة موزاريلا بكمية حسب الرغبة.. وصحة وهنا😊

محشي ملفوف ( ميسون)

حشوة المحشي الملفوف عبارة ع رز مصري مغسول ومنقوع مع لحمة ناعمة فيها شوية دهنة وملعقتين كبار سمنة و معلقتين بهار حلبي كبار وعلبة دبس بندورة ومعلقتين كبار دبس رمان ومعلقة دبس فليفلة حار (اختياري) وملح منخلطن مع بعض ومنبلش لف الملفوف
منحط بسفل طنجرة الضغط لحم بعضم ومنصف المحشي ومنحطلو تقل ومنحط الصوص عبارة عن ليمون وتوم ونعناع وملح وعلبة دبس بندورة وكمية ماء مغلي كلو بينحط فوق الملفوف ومنتركو يغلي منزبط الملح والحمض واول مايغلي منسكر طنجرة الضغط واول مايعطي صافرة منهدي عليه لوقت التقديم بدو تقريبا تلات ارباع الساعة وبعد ماتهدى الصافرة بتفضي المرقة وبتقلبيه بصحن التقديم وصحة والف هنا..

الشاورما المنزلية (أمان)

١٠ صدور دجاج / ٤ علب لبن زبادي عادي /    
٢/١ ليمونة معصورة - ١ بصلة كبيرة حمراء - ١٢ خبز تورتيللا مكسيكي - بندورات - خس - ١ كغ بطاطا مقطعة أصابع - خليط ٤ بهارات وفليفلة حمراء حارة - بابريكا- ملح - صلصة - بقدونس  الطريقة: افتحي الصدور واشرحيها بالنصف لتصبح رقيقة وضعيها في زبدية ضعي عليها اللبن الزبادي وعصير نصف ليمونة والبقدونس المفروم وخليط البهارات ثم غطيها وضعيها بالبراد لمدة ١ ساعة ثم خذي ٢/١ بصلة وشكي فيها عود شواء ثم شكي الصدور بشكل متصالب وضعي في الأخير بندورة ضعي حولها البطاطا المقطعة وضعيها في فرن حرارته ٢٢٠ لمدة ٤٠ دقيقة ثم أخرجيها وزيني حولها بالخس والبصل والبندورة والبطاطا  ادهني الخبز بمايونيز وكانشاب أو صلصة بيضاء من الزبادي والليمون والبقدونس...


و صحة وعافية

مجدرة برغل ( ميسون )

كاسة عدس اسمر مع اربع كاسات ماء مغلي منحطن ع النار بس يغلو مع بعض منحط فوقن كاسة برغل ابيض خشن ومعلقة ملح اول مايغلي منسكر طنجرة الضغط ومنحط الصافرة واول مايطلع صوت الصافرة بتهدي النار ع الاخر 
بتجيبي بصل بتقطعيه جوانح وبتقليه مع زيت زيتون كتيييييير حصرا زيت زيتون 
بتشيلي البصل وبكون الطبخة صرلا شي نص ساعة بطفي عليها وبتشيلي الصافرة ازا فك الضغط عنها وبتحطي عليها زيت الزيتون ولازم يكون حامي جدا وبتخلطيه ببعضو وبتقدميه وع وشو البصل المقلي ومعو سلطة الخضار ولبن بخيار ومخللات وصحة وهنا

دجاج و بطاطا بالحمض و الثوم (نور)

دجاج وبطاطا بالحمض والثوم بالفرن
منحضر افخاذ وصدور الدجاج وممكن دجاجة كاملة نقوم بتنظيفها جيدا ومنقيم الجلد والعظم الزايد والصدور بشرح كل صدر بالنص
وبغسلهم منيح
وبشق بالافخاذ بالسكينة شقين واذا دجاجة كاملة بغزوز فيها السكينة خصوصا من عند الصدر
الصوص
ليمون معصور
اسنان ثوم مهروسة
ملح
فلفل
شوية اوريغانو
شوية كزبرة ناشفة
بابريكا حلوه
بابريكا حارة
ثوم بودرة
بصل بودرة
بهارات مشكلة
بهارات دجاج
زيت زيتون
منخلطهم كلهم مع بعض منيح
ومندعك فيهم الدجاج 
البطاطا منقشرها ومنقطعها حلقات سميكة شوي
نحضر بايركس او صينيه ونضع البطاطا
وازا زاد من الصوص منحط للبطاطا شوي
ومنحط الدجاج فوق البطاطا
ومنضيف شوية مي
ومنغلف البايركس كاملا من فوق ومن تحت بالقصدير 
وعالفرن على حرارة ٢٢٠لمدة ساعه الى ساعه ونصف
وممكن بالنهايةنقيم القصدير ونحمر الدجاج 
وصحتين وهنا

فريكة (رؤى)

طريقة الفريكة 

اول شي منضف الفريكة منيح و منغسلها  بعدين مننقعها بمي سخنة  ع عدد كاسات الفريكة وزيادة كاسة مع مكعب ماجي منتركها ساعة ونص لتغب 
وبهالوقت منسلق اللحمة 
بعدين منصفي الفريكة من المي ومنقليها بالسمنة شوي بعدين منحط كل كاسة فريكة عيار كاسة و ربع مرقة لحمة ومنحركها كل شوي وكلما نشفت منزودها مرقة لحتى تستوي 
ومنحط البزاليا ع الوش واللحمة والمكسرات 
 و صحة و هنا

عجينة البف (ناهد)

كرات البطاطا و الدجاج ( أمان)

الكيكة المالحة (ميسون)

3 بيض
2 م ص فانيليا 
كوب زيت 
2 كوب طحين
كوب حليب سائل و ممكن استبداله بلبن زبادي 
1 و 1\2 كوب جبنة بيضاء مقطعة
1 و 1\2 كوب زعتر أخضر مفروم
3 م ص باكينج باودر 
1 م ص كربونات الصودا 
2 م ص ملح 

كعك (ضحى)

كعك 😋بيقرش قرش 😋

نصف كوب زيت نباتي ونصف كوب سكر ونصف كوب حليب وملعقة كبيرة بكنغ بودر وكوبين ونصف طحين ورشة محلب ناعم ورشة شمرا إذا مو موجود مافي مشكلة أنا ضفت بس محلب مو موجود عندي شمرا وسمسم وحبة بركةللوجه وبيضة ورشة فانيليا لدهن الوجه 

الطريقة :

بنخفق الحليب والسكر والزيت منيح وبنضيف الطحين والبكنغ بودر وبنعجنهم منيح وبنشكلهم حسب الرغبة ونضعهم على صينية مبطنة بورقة الزبدة أو صينية مدهونة زيت وبندهن الوجه ب بيضة ورشة فانيليا وبنرش سمسم وحبة بركة حسب الرغبة 

وصحتين وهنا 🌺

شرحات عالعجين و شيش عالعجين (ضحى)

شرحات عالعجين وشيش عالعجين 

طريقة العجينة :

٢بيضة و٤كوب طحين وملعقة خميرة فورية نذوبهابكوب ماء فاتر وملعقتين سكر ٨ملاعق طعام زيت نباتي  وكوب ماء فاتر او حسب الحاجة

اللحمة شرحات:

 بدقيها من شان تصير رقيقة وبحط ملح وفلفل وبرق العجين وبصف اللحمة وبالنصف مثل مو واضح بالصورة بحط دهنة ناعمةوفوقهم شرائح بصل كمان بحط ملح وفلفل وشطة

طريقة الدجاج:

 كمان شرحات وبتبلهم بالملح والفلفل الأبيض ودبس فليفلة وشطة وزنجبيل وهيل وقرفة وكاري والسبع بهارات وجوزة والطيب وكزبرة يابسة  وزيت نباتي ودهنة وملعقتين خل وملعقتين لبن وفصين ثوم بتركهم ساعتين بالبراد وبعدين برق العجين وبحط الدجاج المتبل وبشويهم بالفرن