الحمص بالطحينة ( مسبحة شامية ) الغيدائية

 بكل بساطة ...

حمص منقوع قبل ليلة.. الحمص فوق غمره ماء ....وبالطنجرة مع ماء حتى يغلي ويطلع رغوة بيضاء ....ازيلي هذه الرغوة ....ضيفي ملعقة صغيرة من البكربونات ...تفور الرغوة وتطلع اكثر ...ازيليها ...ثم اسلقها بطنجرة الضغط ...ربع الى ثلث ساعة بعد ما تصفر بخفض النار 

بعد ما يصير دافي الحمص .....بابريق الخلاط ...

حمص بقدر كاستين ...٢ملعقة ليمون ملح...طحينة حوالي ٤ملاعق طعام ...قليل من ماء الحمص ونطحنه جيدا ....لحتى يصبح متجانس تمام ...اذا سميك نضيف ماء حمص او ماء عادي 

ممكن تضيف ملعقة لبن بدل الماء....كمان بيصير  براحتك 

بعدين بتمديهم بالصحن ....والسمن البلدي بتحمي منيح لتطلع ريحته ....بتدلقي الصنوبر ثواني ....وبتطشيها على المسبحة ....وبتطرش وبتعبق الريحة ....وكلي الف صحة وهنا 

الله على الروايح                        

 طبعا هي مسبحة ....بس بتقدرو تعملو منها فتة حمص (تسقية)                        

 طبعا قضية الحمض والملح اذواق ....لك ان تضيفي ملح ليمون ...براحتك 

ولكن بعد التجربة ...لتصلي الى المذاق اللذيذ ...وطعم المسبحة الاصلي ....انصحك لا تكتري ليمون ....والطحينة تكون زايدة شوي ....هنا يكمن المذاق

الكريمة الحامضة ( أمل )

هي كريمة طبخ عادية

الكريمة الحامضة او sour cream

من انواع الكريمة..قوامها متل اللبن و طعمتها فيها لدعة شوي

بالوصفة مكتوب اذا ما توفرت

اخلطي علبة لبن صغيرة مع علبة قيمر صغيرة و ملعقة صغيرة ليمون

عش البلبل عدة طرق

عجينة أخرى 

طريقة عش البلبل: كيلو طحين بيضة فنجان قهوة سمنة فنجان قهوة وين نباتي رشة ملح فنجان قطر تقريباكاسة ونص ماء  وبعد العجن لو حسيتيهاناشفة زيديلا مي بدها ترتاح تقريب الساعتين

عجينة أخرى 

كيلو طحين معلقة ملح معلقتين حليب معلقتين سمنة

الحشوة لحمة وبصلة وطحينة ودبس رمان وعصيرليمون ملح وفلفل وبهار وصنوبر وقليل من اللبن رشة كزبرة يابسة 

ممكن أن نعملها بالجبنة أيضا 

بيتزا ( بشرى )

عيار الييتزا العجينة السريعة اول شي 2كاسة طحين مع ملعقتين خميرة مع ملعقة بيكمبودر و 3ملاعق سكر و كاسة ماء دافئ تعجن وتخمر ربع ساعة  ثم نضيف 3كاسات طخين و نص كاسة زيت و 3ملاعق حليب بودرة و ملعقة ملح و كاسة ماء وتعجن يمكن تحتاج اكتر ماء حسب نوع الطحين ممكن استخدامها فورا او تتركيا تتخمر *

الخلطة على وجه البيتزا حسب الرغبة 

سمبوسك مقلية

 والحشوة على زوقك                        
 جبنة او لحمة او خضار                        
 قلي عادي بزيت غزير لحتى تحمر وتنتفخ .. متل السنبوسك                        

مليحي درعا ( سلوى )

                        المليحي 

اول شي جهزت البرغل الخشن نقيته وغسلته  بعدين ملعقتين سمنة قلبت البرغل فيهن عنار هادية ورشة فلفل وملح  بعدين ضفت مي سخنة لكل كاسة برغل تقريباً كاستين ونص مي وسكرت عليهن طنجرة الضغط عنار هادية لازم يدووووب البرغل طريقة طبخ اللبن بالخلاط لبن مع ملعقتين نشا وبيضة خفقتن شري بعدين عالنار مع التحريك حتى سخن اللبن ضفت من ماء الجاج المسلوق مع التحريك حتى الغليان خففت النار عالآخر وحطيت ملح وملح ليمون حسب الذوق لانه لبن السعودية حلوو وهي الاكلة لازمها حموضة باللبن وبصراحة حطيت مكعب ماجي بحب نكهته باللبن المطبوخ وبعدين حطيت الدجاج المسلوق باللبن وخليته يغلي شوي وبس ينضج البرغل ببلش ادعكه مع اضافة اللبن المطبوخ واللي بيحب بيضيف سمنة انا ماضفت هيييك لتندعك الكمية المطلوبة وبيتوزع الدجاج عالوجه وبالاصل لازم كبة مقلية عوجه المنسف وبتتشرب من اللبن الموجود فيه وصحتيييين وعافية

كودو ( بشرى )

كودو الدجاج .  العيارات  لنص كيلو صدرو دجاج يقطع بشكل طولي قطع رفيعة و ينفع بالخل والملح الصخري يصفة  بعدين نتبله ل2ملعقة كبيرة كتشب 2ملعقة كبيرة خردل 2ماعقة كبيرة صويا صوص 2ملعقة مايونيز انا استبدلهاباللبن 1ملعقة صغيرة هيل 1ملعقة صغيرة كزبرة ناعمة-  1ملعقة صغيرة بهارات دجاج او مشكلة لموجود عندك- نص ملعقة كمون  ملعقة بودرة التوم وملح وفلفل اسود-و قطعي 3بصلات بشكل جوانح و نقعين بالتتبيلة ليلة كاملة  ثم ضعي في طنجرة 3ملاعق كبار زيت نباتي و ضيفي الدجاج وقلبي لتستوي - فيكي تضيفي فليفة ملونة مقطعة جوانح بعدين بخبز التورتبلا -للسندويش خس مقطع ناعم بندورة شرائح رفيعة -  مخلل خيار مقطع شرائح طولية رفيعة التغميسة عراحتك انا بضيف لبن مع خردل و صلصة حدة.

كبة التوست ( سلوى )

المقادير كاسة برغل ناعم وكيس خبز توست وملعقتين طحين رشة ملح رشة فلفل ورشة بهارات مشكلة رشة كمون رشة كزبرة يابسة وشي كاسة ونص مي  الطريقة بنغسل البرغل وبنتركه عجنب بعدين بنطحن خبز التوست انا طحنته بمطحنة القهوة وبيصير بالخلاط وبعدين البرغل طحنته نفس الشي بعدين بنخلطهن وبنضيف البهارات وبنعجنها بالمي بنغطيها وبنحضر الحشوة لحمة وبصل وبهارات وملح وشرية دبس رمان ورشة فليفلة حمرا ومكسرات اللي بيحب  وهيك جاهزة للتشكيل انا حطيت نقطة زيت عإيدي حتى ما تلزق وعالقلي وصحتين وعافية

التوست طازج .. وممكن أن يكون أبيض أو أسمر ... والابيض أطيب ...غير قابله للتخزين على القلي مباشرة 

طاجن اللحم المغربي ( دانية )

 طاجن اللحم المغربي 

....بصلتين متوسطه..٥حبات طماطم كبيره.....٣فص ثوم...رشة كزبرا خضراء... وفليفلة خضراء كمان مقطعه بشكل طولي... نقطعهم بشكل طولي والكزبة فرم عادي 

بقدر الضغط....بعد ان نغسل اللحم جيدا...ونغسله بعد الزفره ...نضع اللحم (لحم بالعظم )فوقه الخضار المعدة...مع ربع كاس صغير زيت ...مع ملح وفلفل اسود ...ونغلق القدر ...بعد الصفارة نصف ساعة...تقريباً

والأرز 

أرز بسمتي أبيض ساده بدوه أي اضافات

الف صحة وهنا🌷                        

بطاطا كمبير

بطاطا كمبير  : بشوي البطاطا بقشرها بعد ما اغسلها منيح اما بالفرن او بالمايكروبف وبعدين بقطعها بالنص وبطلع القلب تبعها وبخلطه وهو سخن بصحن على جنب مع شوية حليب وزبدة وملح وفلفا اسود وجبنة موزريلا.. برجع البطاطا على القشرة وبحط على الوجه   « بازيلا . درة . زيتون . مخلل خيار . نقانق . دجاج مقطع ومسلوق او مشوي « او اي شي حسب رغبتكن وملح وفلفل و مايونيز وجبنة موزريلا وبدخلها دقيقة عالمايكرويف لتسيح الجبنة و بالعاااافية

معكرونة البشاميل والدجاج ( دانية )

معكرونة البشاميل والدجاج

نسلق المعكرونة (أنا اخترت السباكيتي )

في قدر نضع  قطع دجاج صغيرة نقلبها بالزيت ونضيف عليها (ملح -فلفل-هيل ناعم- فليفلة حمراء يابسة ناعمة - بهارات ماجي - ثوم بودرة - قليل من الخل ) ونقلب إلى أن يستوي الدجاج ثم نضيف

بصل ناعم - فليفلة خضراء وممكن اضافة فليفلة ملونة ونقطع جميعهم قطع صغيرة -  فطر 

في وعاء صغير نضع ملعقتين طحين مع حليب سائل ونحركهم جيداً ثم نضيفهم على خليط الدجاج 

ونحرك باستمرار إلى أن يغلي الحليب ثم نضيف (جبنة موزريلا - بارميزان - قشقوان -شيدر) ذرة وجزر مفروم ناعم

نضيف المعكرونة بالتدريج دون التوقف عن التحريك 

نتركهم حوال 5 إلى 10 دقائق  وبعدها نسكبهم في صحن التقديم 

وألفين صحتين

شرحات مطفاية

شرحات مطفاية بالحمض والثوم ( بشرى )

                       الشرحات المطفاية بنقعها بالخل بتطرا و بتبلها و بمدها بصينية للفرن و بغمرا بالزيت  وبلفا بورق قصدير وقبل الاستواء بقليل بطفيها  بعصير الليمون مع الثوم المهروس  بتطلع حكاية طعمتها وفي أوقات بمد تحتا  شرايح بطاطا بتغب النكهات  بتطلع ظريفة

لقمة هندية ( فروج مشوي )

جيب التاجر بالدجاج

 كاستين طحين ومعلقة كبيرة خميرة  ومعلقة باكنج باودر ومعلقتين سكر وفنجان زيت وفنجان حليب سائل ومعلقة ملح ورشة فلفل اسود ورشة زعتر ومي دافي للعجن                        

 كاستين ونص طحين*                        

 خس و جزر مبروش .. 

                   وخلطة دجاج                        

دجاج مسلوق ومفتت مع مايونيز ولبن وملح وفلفل اسود ورشة صغيرة سكر ودرة                        

 وبصل اخضر مفروم ناعم

شريحة توست عليها بيضة ( سمية )

بتحطي بالمقلاية زبدة

وبتوطي النار

بتحطي التوست وبتقلبيه ، بحيث يجي عالجهتين زبدة

بعدين اضغطي شوي عالتوست بالنص مشان البيضة ما تطلع من التوست

وحطي البيضة ، وغطي المقلاية

وتركيها على نار هادية لتستوي

وبعدين رشي عليها ملح وبهار

صحة وهنا

كسكس اللحم - مغربية ( وداد)

 بتحطو اللحمه على النار مع شوي زيت وتستنوا لتنزل ميتها بتغبهن بعدين بتضلوا تحركو لحتى اللحمه تصير لونها بني غامئ كتير (أبل ما تحترئ بشوي!!) بعدين بتحطوا شي تلت بصلات مأسومين أروش. ببتضلو بتألبوهن ليدبلوا وبتضيفو ملح وفلفل بهار مشكل. بعدين بتحطوا مي منيح وبتغطوحن وبتخليهن شي ساعه ليستوا تمام. بعدين بتضيفوا بطاطا و جزر وبدهن شي نص ساعه تانيه ايستوو وبالآخير حُمُّص تستوي                        

بحط بالقدر الكسكس  وبحط شوي زيت ومكعب ماجي و أد الكسكس مي ( يعني كل كاسه كسكس كاسة مي. وبتغطيهن ليستوو

يلنجي بالصينية ( أم عبد الله )

سلطة الدجاج المشوي ( ريم )

صحة وهنا

فتوتشيني ( طوبى )

بقلي فطر فريش بالزبدة وبكون مسوية الدجاج يلي هو طرنشات مع زنجبيل وفلفل ابيض وملح بضيفهن للفطر وبقليهن سوا بضيف عليهن حليب وكريمة طبخ بس يغلو بضيف معكرونة الفوتوتشيني المسلوقة وبغليهن سوا ليغب منيح بعدين بحطهن بالبيركس وعالوش رشة جبنة موزاريلا وصحتين وهنا

عجة الخضار ( ريم )

عجة الخضار..

- في وعاء نضع كوب بقدونس مقطع ، حبتين بصل أخضر ، حبتين طماطم ، 8 بيضات ، نصف كوب دقيق ، 3/4 كوب جبنة موزاريلا ومكعبات جبنة بيضاء من اختيارك ، ملعقة بكنج بودر

- يخلط المزيج بالملعقة ويتبل بالملح والفلفل والشطة والريحان

- يغطى بالقصدير ويخبز حتى ينضج ثم يزال القصدير ويحمر من الأعلى عدة دقائق

سلطة السزر ( رشا )

طاجن دجاج مغربي ( غيداء )

طاجن الدجاج المغربي 

....بصلتين متوسطه..٥حبات طماطم كبيره...٢ملعقة صلصة طماطم...٣فص ثوم...رشة كزبرا خضراء....بابريق خلاط..مع ماء مقدار كاس...تخفق المقادير...حتى تصبح سائلة... زيتون أخضر ..

بقدر الضغط....بعد ان نغسل الدجاج جيدا...ونغسله بعد الزفره ...نضع الدجاج فوقه الصلصة المعدة...مع ربع كاس صغير زيت زيتون ...مع ملح وفلفل اسود ...ونغلق القدر ...بعد الصفارة نصف ساعة...

ننزع الدجاج من المرق...نضعه في صينيه....ونحمر سطحه العلوي بالفرن من اعلى 

بالمرق نغسل زيتون ونضعه في المرق ونغليه لمدة ٣دقائق

لك ان تحضري صحن من البطاطا المقلية معه

الخبز من الصامولي للتغميس في المرق 

الف صحة وهنا