طبخكم ( مالح )

الثلاثاء، 19 سبتمبر 2023

بان كيك بالجبن (فجر)

بيض و زبدة وحليب و بكنج باودر و نقطة فانيليا و طحين

و نص علبة جبنة فيتا و شي معلقتين زعتر اخضر و جبنة قشقوان كمية منيحة

مخلل الباذنجان ( غيداء)

الطريقة

اختيار حبات الباذنجان الصغيرة

نغسلها ونسلقها لمدة وبع ساعة

نزيل ماء السلق

نضع بوعاء قليل من الثوم المهروس وقليل من الفلفل الاحمر وقليل من الملح …

ثم نقوم بفتح الباذنجان من المنتصف طوليا ونحشي قليل من الثوم مع الفلف

يرص بمرطبان …

ويضاف له ماء مملح لكل لتر ملعقة ونصف طعام ملح صخري وقليل من الخل

يصب فوق الباذنجان ويترك لمدة اسبوعين حتى يصبح حامض

يقدم مع الفلافل والمجدوة وصحة وهافية 🌸

الاثنين، 18 سبتمبر 2023

رز بالشعيرية

انقعي الرز

احمي القدر ضعي قليلا من الزيت ثم ضعي الشعيريه حتى تتحمر قليلا وتصبح ذهبية اللون

اضيفي ماء بمعدل كاسة ماء / كاسة رز

ملعقة ملح / كاسة رز

صفي الارز واغسليه جيدا

اضيفي الرز الى الماء في القدر

انتظري قليلا ثم نوصي النار

قلبيه ثم اتركيه ١٠ دقائق

اطفئي النار واتركيه حتى يهدأ

صحة وهنا 🌸

كمبير ( ليان)

الطريقة :

نغسل حبات البطاطا المتوسطة ونضعها بقصدير ونسلقها بالماء او نضعها بالفرن حتى تنضج تماما

نقسم البطاطا من المنتصف وناخذ من اللب الداخلي كمية بتفريغ البطاطا من الوسط

ثم ناخذ البطاطا ونضع عليها جبنة موزريلا ونخلطها بسرعة وقوة ونضعها في وسط البطاطا ونضع هليه قطعة زبدة ونزينها بالحزر والزيتون والبازلا باي شي اختياري على حسب الرغبة

صحة وهنا 🌸

دجاج بالصلصة الحمرا ( امل )

🍗 دجاج بالفرن 🍗

بالخلطة السرية 😉

لكل نصف كيلو دجاج ضعي بفرامة البصل:

بصلة

4سن ثوم

ملعقة.كبيرة خردل

م.ك معجون طماطم

م.ص ملح

م.ص بهارات مشكلة

ربع م.ص فلفل

نصف م.ص بابريكا

ربع كوب زيت زيتون

و نفرم الجميع حتى يصبحو مثل الصلصة

ندعك بهم الدجاج و نضعهم في صينية الفرن و نغلفها بالقصدير

على حرارة عالية لمدة ساعة و نص

آخر 5 دقايق يزال القصدير و يحمر الدجاج

و صحتيييين😋

سلطةخس مع الدجاج ومخلل الشبت ( دانية )

المكونات. .

خس أفرنجي

بندورة كرزية

خيار مقشر ومقطع أنصاف دوائر

مخلل (بنكهة الشبت إن وجد ولكن يضيف نكهة مميزة😋)

دجاج مقطع صغير ومطبوخ

خبز محمص

رانش سوس مخفف بالماء

بالهنا والعافية

الأحد، 17 سبتمبر 2023

ترمس ( ميساء)

ترمس حلو

نقعت الترمس شي 12ساعة

بعدين حطيتون بطنجرة البخار وقشي الزفرة وسكرت عليون ربع ساعة من بعد التصفير على نار متوسطة

وبعدين تركتون شوي لهديت الصفيرة وفتحت

طلعو غير شكل. وصحتين وهنا

بان كيك بالجبنة ( فجر )

بيض و زبدة وحليب و بكنج باودر و نقطة فانيليا و طحين

و نص علبة جبنة فيتا و شي معلقتين زعتر اخضر و جبنة قشقوان كمية منيحة

عجة ( رنيم )

الطريقة عجة بالخضار

لب الكوسة مبشور وبطاطا مبشورة بيضة واحدة وطحين وملح وفلفل وكمون وبابريكا بكمباودر وبقدونس أنت شو بتحب الضيف أي نوع من الخضار جزر بصل بس أنا ما كان عندي

‏على حرارة 200 لازم تكوني حاطة ورق زبدة بعد 10 دقائق اقلب على الجهة الأخرى

‏طعمتها طيبة بس مو مثل قلي بالزيت صراحة للقلي اطيب بس هي مفيدة وصحيه اكثر ومفيده للأطفال

سلطة الدراق ( فجر )

ورقيات : جرجير و خس و نعناع

و دراق مقطع شرائح او مكعبات

عالوجه جوز و حبات رمان و جبنة بارميزان

التتبيلة عسل و زيت زيتون و خل بلسمك و عصير ليمون

كبة حميص ( ميساء)

بطقطعي بصل جوانح بتقليون ليدبلو بعدين بتحطي مي وصلصلة وعصرة ليمونة ورشة ملح وبتتركيون ع نار ينطبخو شوي

بعدين بتكوني عاملة كبة مقلية بس حجم صغير

وقت التقديم بتحطيون على بعض والف صحة

الأحد، 30 مايو 2021

الرز واللحم البخاري (دانية)

الرز و اللحم البخاري

المقادير

٤-٥ جزرات مبشورة

بصلتين كبار مقطعين شرائح

زبيب اسود مفسول ومنقوع

لحم مع العظم قطع كبيرة

٥ بندورة مقشرة ومعصورة

ملعقتين طعام معجون طماطم

كمون ملح فلفل

نقلب الجزر على النار حتى يذبل ثم نضيف الزبيب ونقلبهم حتى تنتفخ حبات الزبيب وبعدها نصفي الزيت ونترك الجزر مع الزبيب على جنب

وبنفس الزيت تقلي البصل حتى يصبح ذهبي ثم نضيف اللحم ونقلبهم حتى يتغير لونه ثم نضيف عصير البندورة ومعجون الطماطم والكمون والملح والفلف ونضيف نصف كمية الجزر ونضغطهم حتى يستوي اللحم

نطبخ الرز بمرقة اللحم ونضيف باقي الجزر والزبيب

مقبلات بالباذنجان (فجر)

بيتنجان مقشر و مقطع بشكل طولي

فليفلة ملونة مقطعة بشكل طولي

عالبيتنجان بخيت زيت و صفيتهم بمقلاية و عالنار يقلب حتى يستوي من جميع الأطراف

و الفليفلة الملونة بمقلاية مع شوي زيت و تقلب.

نخلطهم مع بعض عالنار و شوي ملح و فلفل. و بعدها يوضع ب طبق التقديم.

عالوجه نوزع الصلصة؛

دبس رمان و طحينةو زيت زيتون

و تزين ب بندورة كرزية و أوراق نعنع

و صحة و هنا

التبولة الأرمنية لعشاء صحي و سريع (علياء)

برغل أبيض

بقدونس وبندورة

السوس..

ليمونة

فنجان دبس رمان

ملعقة كبيرة صلصة بندورة

نعنع يابس

ملح ورشة كمون

وصحتين وهنا

الأربعاء، 26 مايو 2021

تبولة فروتي (فجر)

بقدونس و نعنع و خس

بندورة و برغل ناعم

حبات رمان و نص علبة أناناس معلب

للتتبيلة؛

ملح و ليمون و زيت زيتون و دبس الرمان

عجة (مروة)

4 بيضات

نص كاسه طحين

بصله كبيره مفرومه

بطاطه مبشورا

لب كوسا زبديه

ذره

جزر زبديه مبروش

بقدونس زبديه

كمون كزبره يابسه فلفله حمره بكمبودر

كركم ملح ملعقه صغيره

دجاج بالخلطة الغيدائية (غيداء)

دجاج

لبن

مايونيز

صلصة طماطم

كتشب قليل

خل

صويا صوص

ليمون

ثوم

ملح

فلفل اسود

بهارات مشكلة قليل

كزبرة ناشفة مطحونة

زيت زيتون

بصلة صغيرة مهروسة

قطعي الدجاج وتبليه بالخلطة السابقة

وعلى الفرن ساعتين

لحمة مشوية مع صوص الخضار (رشا)

لحمة مفرومه بتحطي لها البهارات يالي انت بتحبيها انا حطيت ( ٧ بهارات، ملح ، فلفل، بهارات الماجي، ثوم بودرة ، بصل بودرة )

بتشويهن على مقلايه حاميه كتير لتستوي من الطرف الأول بتقلبيها على الطرف التاني هي حسيتها افضل طريقة مشان اللحمه ما تصير قاسيه ومن الأفضل ما تطولي عليها كتير

الصوص : بصل و فليفلة و كوسا شوحتهن لستو تقريبا حطيت بندورة قطع و شوي بهارات البندورة بس كلهن استو حطيت صوص البندورة و شويه ملح

و بتتقدم مع رز

مقبلات بالبطاطا والباذنجان (فجر)

بطاطا و بيتنجان مكعبات مقلية

و فوقها لبن و طحينة و ملح و حمض

فوقها خبز مقمر

و للتزيينرمان و دبس رمان و بقدونس

دجاج بالسماق ودبس الرمان (رشا)

دجاج بالسماق و دبس الرمان :

التتبيلة عبارة عن :

زيت زيتون

دبس رمان

معلقة صغيرة سبع بهارات

معلقة صغيرة سماق

ملح

فلفل

عصير ليمون

بتحطي بالصينية بصله جوانح او مربعات و بترشي عليها سماق و ملح وبتفركيهن

بتحطي الخضار يالي بتحبيها انا حطيت بطاطا مكعبات، جزر مبشورة ، فليفلة مكعبات

وبس كلهن بتخلطيهن مع بعض مع الجاج و التتبيلة على الفرن ليستوي الجاج انا اخد معي ساعه و هوه مغطيتو

عوافي

سلطة الأناناس (فجر)

سلطة الأناناس

خس افرنجي مقطع تقطيع خشن

نص أناناس فريش

نص حبة رمان

الصلصة؛

عصير نص ليمونة

م ك عسل

م ك ماسترد

رشة ملح

وصحتين

فطيرة السبانخ (رشا)

فطيرة السبانخ :

للعجينه : ٢٨٠غ طحين ( ٢ كوب و ١/٤ ) ، ملعقة صغيرة ملح ، ١٧٠ غ زبدة ( ٣/٤ كوب )

بنخلطهن كلهن منيح كتير سوا بالأيد او بمحضرة الطعام لحتى كل الطحين توصلو زبدة

اخر شي بنحط ٤ ملاعق طعام ماء ، ممكن اكتر على حسب نوع الطحين ، لحتى تصير عجينه متماسكه

بنتركها ترتاح بالبراد ١٥ دقيقه

الحشوة : ١ بصل ، ثوم ، ملح ، فلفل، كزبرة يابسه ، ٤٠٠غ سبانخ انا استخدمت المثلجه بنقلبهن ليستو بعدين بنحطهن بمصفاية ليتصفو

الكريمة : ٣ بيضات ، رشه ملح، فلفل ٢٤٠مل كريمة بنخفقهن مع بعض منيح

هلق اول شي بنفرد العجينه على القاعدة و الاطراف بنبخوشها بشوكه بنحطها بالفريزر ١٥ دقيقه بنكون حمينا الفرن على درجه ١٧٥ ، بعدين بنحطها شي ١٠ دقايق بس تبدأ تتماسك بنطلعها وبنحط سبانخ و جبنه مبشورة او اي جبنه بتحبوها بعدين بنحط الكريمه اهم شي انو الحشوه ما تطلع فوق العجينه يعني تكون متل التارت

بتتحمل بالفرن ٣٥ دقيقه على درجه حراره ١٧٥

صراحة كتير كتير طيبة لازم تجربوها