صينية شاورما الدجاج ( ميسون )

بس انا زودت كمية الصوص الابيض وعملتو بطريقة التومية الي بتجي مع البروستد وطلعت كتير طيبة وان شالله تعجبكن

كشكة خضرا ( بشرى )

الكشكه هي بيقولولا كشكه خضره نفس مبدأ اللبن بس بيصفوه و بيعملوه لبنه عباره عن برغل و لبن و ملح الها خطواتا وهي نفسها لتتحول لكشكه يابسه لبينفت فيها خبز و بتتاكل سخنه بس بينشفوها و بيطحنوها.... بس تعمليها تحتاج بقدونس و بصله خضره و لبنه و جوز

مندي بالفرن ( غفران )

اول شي بغسل الجاج وبنقعوا بالخل واللبن والملح يتركوا شي ربع ساعة بعدين يغسلوا منيح وبتبل الجاج بملح وهيل وقرفة ودبس فليفلة وبهارات مندي وزنجيل بودرة وتوم بودرة وبتركوا على جنب وبقلي بالصينية بصل وتوم صحيح وبحط شرائح فليفلة وبندورة وبحط اربع كاسات ونص مي لثلاثة كاسات رز وبحط ملح وبهارات المندي ومكعب ماجي وكركم او اي نوع ملون بهلاثناء بكون غسلت الرز ونقعتوا شغلة عشر دقايق وبحمي الفرن ع درجة170 

بحط الرز فوق المي وبحط طبقة قصدير وبثقبها شقوق صغيرة وبحط الجاج فوق القصديرة المثقبة بس قبل ماحط الجاج بدهن وجهو بالسمنة وبحط فوق الجاج طبقة تانية قصديروبحط الصينية بالفرن ساعة ونص بعدين يدخنوا للرز بالفحمة وصحة وهنا

بطاطا مع الحمض و الثوم ( ميساء )

جاج

بطاطا

كلشي بهار

وشوي زيت

وشوي مي

وشوي ليمون 

وبطنجرة الضغط لمدة ثلث ساعة تقريبا 

ممكن أن نطبخها بالفرن ...

سلطة جبنة كيري ( ضحى )

سطلة خضار ... مضاف لها كيوي ورمان وجبنة كيري 

الف صحة 

منسف أردني ( طوبى )

فخذ خروف منقطعه قطع كبيرة لحم بعضمه ومنسلقه مع ورق غار وهيل وبصلة ومنشك فيها القرنفل بس تستوي اللحمة منعمل الجميد منجيب كيلو لبن منغليهن مع تلت معالق كورن فلور بعدين منضيف علبة الجميد ولكل علبة جميد علبتين مرقة لحمة بس يغلو منضيف عليها اللحمة ومنغليهن بعدين منعمل الرز سمنة وكركم وملح ورز بسمتي 

على طبق التقديم منحط خبز شراك بعدين كبجايتين من مرق الجميد ومنحط الرز وفوقه اللحمة والمكسرات وبقدونس ومنغلقهن بخبز شراك وبيتقدم جنبهن المرق وصحتين وعافية

سلطة المشروم ( امان )

مشروم طازج.. طماطم كرزية.. خس.. خيار

كلها تقطع شرائح طوليه رفيعه

الصوص: زيت زيتون ، ملح،دبس رمان ،عصرة ليمونة

أطيب لو كثرنا من دبس الرمان

وألف صحة😋

قالب باباي ( بشرى )

قالب باباي ...بالخبز التوست 

توضع حبة الخبز 

توضع في وسطها الحشوة المرغوبة 

توضع طبقة ثانية فوقها 

نضغطها على بعض إلى ان نغلقها جيدا

توضع على النز وتحمر من الطرفين 

ألف هناء وعافية 

الحشوات 

ممكن بالسبانخ

الجبن 

اللحم 

الخضار 

الدجاج 

سلطة خضار ( سلمى )

سلطة خضار وفواكه ( بندورة، خيار، خس اخضر واحمر، جزر، تفاح، رمان، أناناس ) والصوص: ( ليمون وملح وزيت زيتون) كتيييير لزيزة ومنعشة

توست محمر بالجبن ( منال )

توست محمر بالفرن بالجبنة والبندورة والفليفلة الحمرا والخضرا

متبل افوكادو ( غيداء )

٢حبة افوكادو

معلقتين لبن

عصير نصف ليمونة

ملعقة صغيرة توم مهروس

رشة ملح

جوز ورمان وزيت زيتون للتزيين 

والف صحة

فطائر بالجبنة ( ضجى )

عجينة الفطاير 

كوب حليب دافئ مع ملعقتين سكر مع ملعقة خميرة فورية نذوبها ونتركها خمس دقائق تتخمر ثم نضيف أربع أكواب طحين أبيض و٨ملاعق  طعام طحين الذرة مع ملعقتين نشاء و ١٢ملعقة طعام زيت نباتي و رشة ملح وملعقة بكنك بودر وكوب حليب ونعجنهم جيداً ونتركها تتخمر ساعة 

عجينة للشوي لكل أنواع المعجنات والبيتزا

برجر اكسترا منزلي

اول شي خبز البرجر بحمص الطبقتين من جوا بطواية مدهونة شوية زبدة مع زيت لحتى يصير أشقر.

اول طبقة بدهن صلصة البرجر على الخبزة بعد ما حمصتها  وهيه عبارة عن ربع كوب مايونيز ومعلقة خردل ومعلقة كاتشب  و رشة فلفل اسود وفليفلة حمرا.

تاني طبقة برجر لحمة وهيه عبارة عن لحمة مدهنة شوي وملح وبهار ورشة بصل بودرة وشوية قرشلة.. بيتشكل على شكل قرص وبينقلى بشوية زيت عالطرفين ليستوي

الطبقة التالتة جبنة شرايح

الرابعة بندورة شرائح

الخامسة خيار شرائح

السادسة شوي صوص

السابعة برجر دجاج بنفس الطريقة تبع اللحمة بس الفرق انه مغلف بالقرشلة قبل القلي طبعا

الطبقة التامنة جبنة شرائح

الطبقة التاسعة بصل مقرمش

واخر شي الخبزة  😁

وبالهناء والعافية 

بطاطا مبشورة ومقلية ( سلمى )

بطاطا مبشورة بتغسليها بعد البشر وبعدين بتعصريها

بتحطي شوية زيت بالمقلاية وبتقلّيها شي 5 دقايق

بعدين بتحطيها بزبدية 

بتحطي عليها بودرة ثوم وبودرة بصل وفلفل اسود وملح 

بتحطي جبنة شيدر مبشورة وطحين لتصير متماسكة شوي تقدري تشكليها

بعدين بتحطي زيت غزير عالنار وبتشكليها وبتقليها

لا تقمريها كتير بصير فيها طعم حرق

وبتقدميها مع كتشب

سمك مع البطاطا ( أمان )

🐟🐟وصفة سمك فيليه بالخلطة🐟🐟

*سمك فيليه

*بطاطا مقطعة دوائر ومقلية

*5أسنان ثوم ،حبة فليفلة خضراء،خل، بشر برتقالة، بشر ليمونتين، بصلة متوسطة ،كزبرة يابسة ،كمون،قليل من الزيت

*نخلطها مع بعض جيدا في الخلاط ثم نضعها فوق السمك ونفركها به ونتركها قبل بيوم لتتبل جيدا أو بنفس اليوم قبل 5ساعات

*في اليوم الثاني أو قبل الطبخ نضع ملح وفلفل وبهارات للتبيلة السابقة مع إضافة قليل من الزيت

ثم نضع البطاطا فوق السمك ونقلبها مع الخلطة

*نضعها في الفرن ونشغل عليها من اعلى وأسفل حرارة متوسطة لمدة 35دقيقة ونتأكد من استوائها


طريقة أخرى للسمك 
مع البطاطا والحمض( الليمون )  والثوم 

كما يمكن إضافة الجزر أو أي نوع من الخضار بدون ليمون 

بعض الفيديوهات المفيدة